ಹ್ಯಾ ಸಂಸಾರಾಂತ್ ಆಮಿ ಯಾತ್ರಿಕ್
ಆಸಾಂವ್ ಸರ್ಗಾ ಪಯ್ಣಾರ್
ಚಮ್ಕತಾಂವ್ ಭಾಸಾಯ್ಲ್ಯಾ ಗಾಂವಾಕ್
ಮಾಗುನ್ ತುಜೊ ದೈವಿಕ್ ಆಧಾರ್
ವಾಟ್ ವ್ಹರ್ ಆಮ್ಕಾಂ ದಯೆನ್
ಗೊವ್ಳ್ಯಾ ಕರ್ತಾಂವ್ ಪ್ರಾರ್ಥನ್

1. ಉಂಡೊ ಸೊಮ್ಯಾ ತುಂ ಸರ್ಗಿಂಚೊ
ಸಾಸ್ಣಾಚೆಂ ಜಿವಿತ್ ಆಮ್ಕಾಂ ದೀಂವ್ಚೊ
ತುಕಾ ಸೆಂವ್ಚಿಂ ಮರಣ್ ಜಿಕ್ತಾತ್
ಸರ್ಗಾ ರಾಜಾಂತ್ ವರ್ತಿ೦ ಜಾತಾತ್

2. ರಗತ್ ತುಜೆಂ ಅತ್ಮಿಕ್ ಪೀವನ್
ಅಮರ್ ಜಿವಿತ್ ದಿತಾ ಜೊಡುನ್
ಪಾತ್ಕಾಂ ಭೊಗ್ಸುನ್ ಆಮ್ಚಿಂ ಮೊಗಾನ್
ಕುರ್ಪಾ ದಿತಾ ಚಲುಂಕ್ ಎಕ್ವಟಾನ್

3. ಸೊಮ್ಯಾ ತುಂ ವಾಟ್ ಸರ್ಗಿಂಚಿ
ಬಾಪಾ ಥಂಯ್ ಆಮ್ಕಾಂ ವರುನ್ ಪಾಂವ್ಚಿ
ತುಜೆ ವಾಟೆನ್ ಚಮ್ಕುಂಚಿಂ
ಜಾತಾತ್ ದಾಯ್ಜಿಂ ಸರ್ಗಿಂಚಿಂ

4. ಸೊಮ್ಯಾ ತುಂ ಉಜ್ವಾಡ್ ಸಂಸ್ರಾಚೊ
ಕಾಳಕಾಂತ್ ಆಮ್ಕಾಂ ಪ್ರಕಾಶ್ ದಿಂವ್ಚೊ
ತುಜ್ಯಾ ಉಜ್ವಾಡಾನ್ ಚಮ್ಕುಂಚಿಂ
ಜಾತಾತ್ ಭುರ್ಗಿ೦ ಸರ್ಗಿಂಚಿಂ