ಹೆಬ್ರೆವಾಂಚಿ ಪ್ರಜಾ ಒಲಿವ್ ತಾಳಿಯೊ ಘೆವ್ನಿ
ಮೆಳುಂಕ್ ಗೆಲಿ ಸೊಮ್ಯಾಕ್
ಬೊಬ್ ಮಾರುಂನಿ: ಜೈ ಜೈ ತಾಕಾ ಉನ್ನತಿಂ

1. ಸೊಮ್ಯಾಚಿ ಜಾವ್ನಾಸಾ ಪೃಥ್ವಿ, ತಿಚೆರ್ ಭರ್ಲಾಂ ತೆಂ ಸರ್ವ್
ಸಂಸಾರ್ ತಾಚೊ, ಸಮೆಸ್ತ್ ತಾಚೆ, ಪದ್ವಿ ತರಿ ಅಪೂರ್ವ್

2. ಸ್ಥಾಪಿತ್ ತಾಣೆಂ ಕೆಲಾ ಸಂಸಾರ್ ವಿಶಾಲ್ ತ್ಯಾ ದರ್ಯಾಚೆರ್;
ತಾಣೆಂಚ್ ಸ್ಥಿರ್ ಕೆಲಾ ತಾಕಾ ವ್ಹಾಳ್ಚ್ಯಾ ಸ್ವಚ್ಛ್ ನ್ಹಂಯಾಚೆರ್

3. ದಾರ್ವಟ್ಯಾಂನೊ ಶೀಸ್ ಉಬಾರಾ, ರಿಗ್ತಾ ಮಹಿಮೆಚೊ ರಾಯ್;
ಉಂಚಾಕ್ ವಾಡಾ, ಏ ದಾರಾಂನೊ, ಕರಿನಾಕಾತ್ ಘಳಾಯ್

4. ಕೊಣ್ ತೊ ಯೆತಾ ರಾಯ್ ಮ್ಹಯ್ಮೆಚೊ? ಸೊಮಿ ಸಾಮರ್ಥಿವಂತ್;
ಕೊಣ್ ತೊ ಯೆತಾ ರಾಯ್ ಮಹಿಮೆಚೊ? ಸೊಮಿ ಝುಜಾಂತ್ ಧೀರ್‍ವಂತ್