1. ಸೊಮ್ಯಾ, ಭುಕೆನ್ ಆಮಿ ಆಯ್ಲ್ಯಾಂವ್, ತುಜೆಂ ಖಾಣ್ ದಿ ಆಮ್ಕಾಂ
ಉಂಡೊ ಸರ್ಗಿಂಚೊ ದಿ, ಸೊಮ್ಯಾ ಆಮ್ಕಾಂ ಆಯ್ಚ್ಯಾ ದಿಸಾ

ಯಾತ್ರಿಕ್ ಆಮಿ ಸರ್ವ್ ಜಾವ್ನಾಸಾಂವ್
ಭಾಸಾಯ್‍ಲ್ಲ್ಯಾ ಗಾಂವಾಕ್ ಪಯಣ್ ಕರ್ತಾಂವ್
ತುಜ್ಯಾ ಆಧಾರಾರ್ ಪಾತ್ಯೆತಾಂವ್
ತುಜಿ ಸಸಾಯ್ ಮಾಗ್ತಾಂವ್

2. ಸೊಮ್ಯಾ, ಆಮಿ ಸಮೆಸ್ತ್ ಥಕ್ಲ್ಯಾಂವ್, ದಿ ತುಂ ವಿಶೆವ್ ಆಮ್ಕಾಂ
ಕಶ್ಟೊನ್, ಸಲ್ವೊನ್ ಗೆಲ್ಯಾಂವ್ ಆಸ್ತಾಂ, ಲಾಭಯ್ ಶಾಂತಿ ಆತಾಂ

3. ಕಾಳೊಕಾಂತ್ ಆಮಿ ಪಯ್ಣ್ ಕರ್ತಾಂವ್, ಉಜ್ವಾಡ್ ಆಮ್ಚೆರ್ ಫಾಂಕಯ್
ತುಜ್ಯಾ ಎಕಾಚ್ ಕಿರ್ಣಾ ವರ್ವಿಂ, ಆಮ್ಕಾಂ ತುಂ ವಾಟ್ ದಾಕಯ್

4. ನಿರಾಶಿ ಜಾಲ್ಲ್ಯಾ ಸರ್ವ್ ಆಮ್ಕಾಂ, ದಿ ತುಂ ಭರ್ವಸೊ, ಸೊಮ್ಯಾ
ತುಜೆರ್ ಸರ್ವ್ ಆಮ್ಚಿ ಪಾತ್ಯೆಣಿ, ಆತಾಂ ಆನಿ ಸದಾಂ