ಸೊಮ್ಯಾ ತುಜೊ ಉಪ್ಕಾರ್ ಬಾವುಡ್ತಾಂವ್
ಖುಶೆಕ್ ತುಜ್ಯಾ ಆಮಿ ಖಾಲ್ ಜಾತಾಂವ್
ಜೀವನ್ ಆಮ್ಚೆಂ ಭಕ್ತಿನ್ ತುಕಾ ಭೆಟಯ್ತಾಂವ್
ಸೊಮ್ಯಾ ತುಜೊ ಮೋಗ್ ಆಮಿ ನಿಯಾಳ್ತಾಂವ್

1. ಮಾಸಾ ರಗ್ತಾನ್ ತುಜ್ಯಾ ಆಮ್ಕಾಂ ಪೋಶಿತ್ ಕೆಲಾಂಯ್
ದೈವಿಕ್ ಮೊಗಾನ್ ತುಜ್ಯಾ ಕಾಳ್ಜಾಂ ಆಮ್ಚಿಂ ಭರ್ಲಾಂಯ್
ದೆಕುನ್ ಅರ್ಗಾಂ ತುಕಾ ಭೆಟಯ್ತಾಂವ್
ಸ್ತುತಿ ತುಜಿ ಸಂತೊಸಾನ್ ಗಾಯ್ತಾಂವ್

2. ಪವಿತ್ರ್ ತುಜ್ಯಾ ಘರಾಂತ್ ಆಮ್ಕಾಂ ಎಕ್ವೊಟಾಯ್ಲಾಂಯ್
ಉಚಾಂಬಳ್ ಸಮ್ದಿರಾಂತ್ ಆಮ್ಕಾಂ ಸಾಂಬಾಳ್ನ್ ವ್ಹೆಲಾಂಯ್
ದೆಕುನ್ ಅರ್ಗಾಂ ತುಕಾ ಭೆಟಯ್ತಾಂವ್
ಸ್ತುತಿ ತುಜಿ ಸಂತೊಸಾನ್ ಗಾಯ್ತಾಂವ್