ಸೊಮ್ಯಾ ತುಕಾ ಹಾಂವ್ ಅತ್ರೆಗ್ತಾಂ
ತುಜ್ಯಾ ಯೆಣ್ಯಾನ್ ಧಾದೊಸ್ ಜಾತಾಂ
ಸೊಮ್ಯಾ ಮ್ಹಜ್ಯಾ ತುಂ ಯೆ, ಕಾಳ್ಜಾಂತ್ ಮ್ಹಜ್ಯಾ ಜಿಯೆ
ಸಾಂಗಾತ್ ತುಜೊ ಹಾಂವ್ ಆಶೆತಾಂ

1. ವಿಶ್ವಾಸಿ ತುಂ ಮೊಗಾಳ್ ಸೊಮ್ಯಾ
ಮ್ಹಾಕಾಯ್ ವಿಶ್ವಾಸಿ ರಾಕ್ ಧನ್ಯಾ
ಸುಖಾಂತ್ ದುಖಾಂತ್ ಪಿಡೆಂತ್ ಭಲಾಯ್ಕೆಂತ್
ಏಕ್ ಮಾತ್ರ್ ಆಧಾರ್ ತುಂ ಏ ಸೊಮ್ಯಾ

2. ಸಾಂಗಾತ್ ತುಜೊ ದೈವಿಕ್ ಅನ್ಭೋಗ್
ಮೊಗಾ ಎಕ್ವಟ್ ಸರ್ಗಿಂ ಆನಂದ್
ಪೊಸ್ಣ್ಯಾನ್ ತುಜ್ಯಾ ಧಾದೊಶಿ ಜಾತಾಂ
ಮ್ಹಯ್ಮೆಭರಿತ್ ತುಂ ಏ ಕ್ರಿಸ್ತಾ

3. ತುಜೆಂ ರಗತ್ ನಿತಳ್ ಕರ್ತಾ
ಆಮ್ಕಾಂ ಪಾತ್ಕಾಂತ್ಲಿಂ ಸೊಡಯ್ತಾ
ಮರ್ಣಾ ಕಾಳ್ಕಾಂತ್ ಭರ್ವಸೊ ದಿವುನ್
ಉಜ್ವಾಡಾಯ್ ಜಿಣಿಯೆ ವಾಟ್ ಧನ್ಯಾ

4. ಉಂಡ್ಯಾ ವಾಯ್ನಾಂತ್ ದಿತಾಯ್ ತುಕಾ
ದೆವಾಕ್ ಚಾಕ್ಚೆಂ ಭಾಗ್ ಹೆಂ ಮ್ಹಾಕಾ
ಗೊವ್ಳ್ಯಾ ಮ್ಹಜ್ಯಾ, ರಾಯಾ ಸರ್ಗಿಂಚ್ಯಾ
ಸಾಂಬಾಳ್ ಮ್ಹಾಕಾ ಹಿಂಡಾಂತ್ ತುಜ್ಯಾ