ಸೊಮ್ಯಾ ತುಕಾ ಸೆಂವ್ಕ್ ಅತ್ರೆಗ್ತಾಂ
ಯೆಣ್ಯಾಕ್ ತುಜ್ಯಾ ಹಾಂವ್ ರಾಕುನ್ ರಾವ್ತಾಂ
ಸ್ವಾಗತ್ ತುಕಾ ಹಾಂವ್ ಆಜ್ ದಿತಾಂ
ಜಿವಿತ್ ಮ್ಹಜೆಂ ಸಮರ್ಪಿತಾಂ

1. ಜಿವೊ ಉಂಡೊ ತುಂ ಜಿವಿತ್ ದಿಂವ್ಚೊ
ಜಿವಿತ್ ಆಮ್ಚೆಂ ತುಂ ನಂದನ್ ಕರ್ಚೊ
ಸಾಸ್ಣಿಕ್ ಸುಖಾಕ್ ವ್ಹರುನ್ ಪಾಂವ್ಚೊ
ಸಾಸ್ಣಿಕ್ ಸುಖಾಕ್ ಪಾಂವ್ಚೊ

2. ಸೊಮ್ಯಾ, ಸದಾಂಯ್ ತುಂ ಆಮ್ಕಾಂ ಪೊಸ್ತಾಯ್
ನಿತಳ್ ಉದ್ಕಾನ್ ತುಂ ಧಾದೊಸ್ ಕರ್ತಾಯ್
ಪಾಚ್ವ್ಯಾ ಚರೊವಾಕ್ ವ್ಹರುನ್ ಪಾಯ್ತಾಯ್
ಜಿಣಿ ಸುಫಳ್ ಕರ್ತಾಯ್

3. ಉಂಡ್ಯಾ ರುಪಾರ್ ತುಕಾ ಆಮಿ ಸೆವ್ತಾಂವ್
ತುಜೆ ಸಾರ್ಕೆ ಜಾಂವ್ಕ್ ಆಶೆತಾಂವ್
ನಿರಂತರಿ ತುಜಿ ಸೆವಾ ಕರ್ತಾಂವ್
ತುಜಿ ಸೆವಾ ಕರ್ತಾಂವ್

4. ದಾಕಯ್ ಸೊಮ್ಯಾ ವಾಟ್ ಜಿವಿತಾಚಿ
ಬಾಪಾ ಸರ್ಶಿಂ ಆಮ್ಕಾಂ ವ್ಹರುನ್ ಪಾಂವ್ಚಿ
ಸಾಸ್ಣಿಕ್ ಜಿವಿತ್ ಜೊಡುನ್ ದಿಂವ್ಚಿ
ಜಿವಿತ್ ಜೊಡುನ್ ದಿಂವ್ಚಿ