ಸೊಮ್ಯಾ ತುಂ ಕಾಕುಳ್ತ್ ಕರ್ ಆಮ್ಚ್ಯಾ ಭಾವಾಚಿ ( ಆಮ್ಚೇ ಭಯ್ಣಿಚಿ)
ಲಾಭಯ್ ತಾಕಾ ( ತಿಕಾ) ಜಿಣಿ ಸಾಸ್ಣಿಕ್ ಸುಖಾಚಿ

ಪವಿತ್ರ್ ಸ್ನಾನಾನ್ ಆಮ್ಚ್ಯಾ ಭಾವಾಕ್ (ಆಮ್ಚೇ ಭಯ್ಣಿಕ್)
ತುವೆಂ ನಿತಳ್ ಕೆಲೊಯ್ (ಕೆಲಿಯ್)
ತುಜೇ ದೈವಿಕ್ ಕುರ್ಪೆ ಶೆಲ್ಯಾನ್
ತಾಕಾ (ತಿಕಾ) ಪವಿತ್ರ್ ಕೆಲೊಯ್ (ಕೆಲಿಯ್)
ತ್ಯಾ ಪಾಸುನ್ ಆಜ್ ಪ್ರಾರ್ಥಿತಾಂವ್
ಆಯ್ಕ್, ಸೊಮ್ಯಾ ಆಮ್ಕಾಂ

ಪವಿತ್ರ್ ತೆಲಾನ್ ಅತ್ಮೊ ತಾಚೊ (ತಿಚೊ)
ಸೊಮ್ಯಾ ತುವೆಂ ಮಾಖ್ಲೊಯ್
ಪವಿತ್ರ್ ಅತ್ಮ್ಯಾಚ್ಯಾ ಪ್ರೇರಣಾನ್
ಅತ್ಮೊ ತಾಚೊ (ತಿಚೊ) ಭರ್ಲೊಯ್ ತ್ಯಾ ಪಾಸುನ್…

ಸಬಾರ್ ಪಾವ್ಟಿ ಜೆವ್ಣಾಕ್ ತುಜ್ಯಾ
ಸೊಮ್ಯಾ ತಾಕಾ (ತಿಕಾ) ಆಪಯ್ಲೊಯ್ (ಆಪಯ್ಲಿಯ್)
ತುಜ್ಯಾ ಪವಿತ್ರ್ ರಗ್ತಾ ಮಾಸಾನ್
ಸೊಮ್ಯಾ ತಾಕಾ (ತಿಕಾ) ಪೊಸ್ಲೊಯ್ (ಪೊಸ್ಲಿಯ್) ತ್ಯಾ ಪಾಸುನ್…

ಪ್ರಾಚಿತಾಚ್ಯಾ ಸಾಕ್ರಾಮೆಂತಾನ್
ತಾಚಿಂ (ತಿಚಿಂ) ಪಾತ್ಕಾಂ ಭೊಗ್ಶಿಲಿಂಯ್
ಪತ್ರ್ಯಾನ್ ಪತ್ರ್ಯಾನ್ ರಗ್ತಾನ್ ತುಜ್ಯಾ
ಪಾತ್ಕಾಂ ತಾಚಿಂ (ತಿಚಿಂ) ಧುಲಿಂಯ್. ತ್ಯಾ ಪಾಸುನ್…

ತ್ಯಾ ಖುರ್ಸಾಚೆಂ ನಿಶ್ಟುರ್ ಮರಣ್
ಏ ಸೊಮ್ಯಾ ತುಂ ಮೆಲೊಯ್
ತಾಚೆ (ತಿಚೆ) ಸೊಡ್ವೊಣೆ ಪಾಸತ್
ಜೀವ್ ಸಯ್ತ್ ತುಜೊ ದಿಲೊಯ್ ತ್ಯಾ ಪಾಸುನ್…