ಸೊಮ್ಯಾಚ್ಯಾ ಜೆವ್ಣಾಂತ್ ವಾಂಟೆಲಿ ಜಾವ್ಯಾಂ
ತಾಚಿ ಕೂಡ್ ರಗತ್ ಭಾವಾರ್ಥಾನ್ ಸೆವ್ಯಾಂ
ಮೊಗಾ ಸೆವೆಚಿ ಜಿಣಿ ಜಿಯೆವ್ಯಾಂ
ಅಖ್ಯಾ ಸಂಸಾರಾರ್ ತಾಕಾ ಸಾಕ್ಸ್ ದಿವ್ಯಾಂ (2)

1. ಸರ್ಗಿಂ ಪಯ್ಣಾಚಿ ವಾಟ್ ಚಮ್ಕತಾನಾ
ಸರ್ಗಿಂಚ್ಯಾ ಖಾಣಾನ್ ಘಟಾಯ್ ಜೊಡುಂಯಾ
ಜಿಣಿಯೆ ಖುರಿಸ್ ಘೆವ್ನ್ ಮೆಟಾಂ ಕಾಡ್ತಾನಾ
ಜೀವಂತ್ ಕ್ರಿಸ್ತಾ ಥಾವ್ನ್ ಭರ್ವಸೊ ಜೊಡ್ಯಾಂ (2)

2. ಕ್ರೀಸ್ತ್ ದಾಕ್ವಲಿ ಥಂಯ್ ಎಕ್ವಟಾನ್ ರಾವುಂಕ್
ಸರ್ಗಿಂಚ್ಯಾ ಖಾಣಾನ್ ಘಟಾಯ್ ಜೊಡುಂಯಾ
ಉತ್ರಾಂ ಕರ್ನ್ಯಾಂನಿ ಫಳ್ ಯಥೆಷ್ಟ್ ಕಾಡುಂಕ್
ಜೀವಂತ್ ಕ್ರಿಸ್ತಾ ತಾವ್ನ್ ಭರ್ವಸೊ ಜೊಡ್ಯಾಂ (2)

3. ಬರ್ಯಾ ಗೊವ್ಳಾಚ್ಯೊ ಖರ್ಯೊ ಶೆಳಿಯೊ ಜಾಂವ್ಕ್
ಸರ್ಗಿಂಚ್ಯಾ ಖಾಣಾನ್ ಘಟಾಯ್ ಜೊಡುಂಯಾ
ಏಕ್ ಹಿಂಡ್ ಏಕ್ ಗೊವ್ಳಿ ಮಯ್ಪಾಸಾನ್ ಜಿಯೆಂವ್ಕ್
ಜೀವಂತ್ ಕ್ರಿಸ್ತಾ ಥಾವ್ನ್ ಭರ್ವಸೊ ಜೊಡ್ಯಾಂ (2)

4. ಪಾತ್ಕಾಚೊ ಕಾಳಕ್ ಉಜ್ವಾಡಾಂತ್ ಬದ್ಲುಂಕ್
ಸರ್ಗಿಂಚ್ಯಾ ಖಾಣಾನ್ ಘಟಾಯ್ ಜೊಡುಂಯಾ
ನಿತಿಚಿಂ ಕೀರ್ಣಾ೦ ಸಗ್ಳ್ಯಾನ್ ಪ್ರಸಾರುಂಕ್
ಜೀವಂತ್ ಕ್ರಿಸ್ತಾ ಥಾವ್ನ್ ಭರ್ವಸೊ ಜೊಡ್ಯಾಂ (2)