ಸೊಡ್ವಣ್ದಾರ್ ಆಜ್ ಜಲ್ಮಲಾ ಸಂತೊಸ್ ಪಾವ್ಯಾಂ
ಉಲ್ಲಾಸಾಚಿಂ ಗಿತಾಂ ಗಾವುನ್ ತಾಕಾ ಹರ್ಸಿಯಾಂ

ದೋನ್ ಹಜಾರ್ ವರ್ಸಾಂ ಆದಿಂ ಸಂಸ್ರಾಕ್ ತೊ ಆಯ್ಲೊ
ಜಾಗೊ ನಾಸ್ತಾಂ, ಗೊರ್ವಂಚ್ಯಾ ಗೊಟ್ಯಾಂತ್ ಜಲ್ಮಲೊ
ಆಜ್ ತೊಚ್ ಜೆಜು, ಕಾಳ್ಜಾಂತ್ ಆಮ್ಚ್ಯಾ ಜಲ್ಮೊಂಕ್ ಜಾಯ್
ಜಾಗೊ ತಾಕಾ ಆಮ್ಚೆ ಥಂಯ್ ಆಮಿ ದಿಂವ್ಕ್ ಜಾಯ್

ಮೋಗ್ ಆಮ್ಕಾಂ ದೆವಾಚೊ ತಾಣೆಂ ಶಿಕಯ್ಲೊ
ಪುಣ್ ಮನ್ಶಾನ್ ದೈವಿಕ್ ಮೋಗ್ ಇನ್ಕಾರ್ ಕೆಲೊ
ಆಜ್ ಜೆಜುಚೊ ಮೋಗ್ ವರ್ತೊ ಆಮಿ ಕರುಂಕ್ ಜಾಯ್
ಕಾಳ್ಜಾಂತ್ ಆಮ್ಚ್ಯಾ ತಾಕಾ ಆಮಿ ಸ್ವೀಕಾರ್ ಕರುಂಕ್ ಜಾಯ್