ಸೊಡ್ವಣೆಚೆ ಝರಿಂತ್ಲೆಂ ಸಂತೊಸಾನ್ ತುಮಿ ಉದಕ್ ಕಾಡ್ತಲ್ಯಾಕ್

1. ಸರ್ವೆಸ್ಪರಾಕ್ ಪಾತ್ಯೆಲ್ಯಾರ್ ಭಿರಾಂತ್ ಮ್ಹಾಕಾ ನಾ
ತೊ ಮ್ಹಜೊ ತಾರಕ್ ಜಾಲ್ಲ್ಯಾನ್ ಭಿರಾಂತ್ ಮ್ಹಾಕಾ ನಾ
ಸರ್ವೆಸ್ಪರಾಕ್ ಕೀರ್ತನ್ ಗಾವ್ನ್ ತಾಕಾ ಹರ್ಸಿತಾಂ
ತೊ ಮ್ಹಜೆಂ ಬಳ್ ದೆಕುನ್ ತಾಕಾ ವರ್ಣಿತಾಂ

2. ಸೊಡ್ವಣೆಚೆ ಝರಿಂತ್ಲೆಂ ಸಂತೊಸಾನ್ ಉದಕ್ ಕಾಡಾ
ಸರ್ವೆಸ್ಪರಾಕ್ ಗಿತಾಂ ಗಾವ್ನ್ ತಾಕಾ ವಾಖಾಣಾ
ಸಕ್ಕಡ್ ಪರ್ಜಾಂಕ್ ತಾಚೆಂ ನಾಂವ್ ತುಮಿ ಗಾಜಯಾ
ತಾಚಿಂ ಸರ್ವ್ ಕೃತ್ಯಾಂ ಮಹಾನ್ ಸಗ್ಳ್ಯಾನ್ ಕಳಯಾ