ಸೆಂವ್ಕ್ ತುಕಾ ಜೆಜು ಸಂತೊಸಾನ್ ಜಮ್ಲ್ಯಾಂವ್
ಸ್ವಾಗತ್ ಕರುಂಕ್ ತುಕಾ ರಾಕೊನ್ ರಾವ್ಲ್ಯಾಂವ್
ಯೆ ವೆಗಿಂ ಯೆ ತುಂ ಆಮ್ಚ್ಯಾ ಬಿಡಾರಾಂತ್
ದವರ್ ಆಮ್ಕಾಂ ಸದಾಂ ತುಜ್ಯಾ ಗೊಪಾಂತ್

1. ಜಿವಿತಾಚೆಂ ಖಾಣ್ ತುಂ, ಅತ್ಮ್ಯಾಚೆಂ ಪೋಶಣ್
ಅತ್ಮೊ ಆಮ್ಚೊ ಭರ್ತಾಯ್ ದೈವಿಕ್ ಜಿವಾನ್
ತುಜೆಂ ಖಾಣ್ ಸದಾಂ ದಿ ಆಮ್ಕಾಂ
ದೈವಿಕ್ ಜಿವಾನ್ ಭರ್ ಆಮ್ಕಾಂ

2. ಸಾಸ್ಣಿಕ್ ದೈವಿಕ್ ಸಬ್ದ್ ತುಂ, ಸಂಸ್ರಾಂತ್ ಆಯ್ಲಲೊ
ಮನ್ಶಾಕುಳಾಕ್ ಖರೊ ಜೀವ್ ದಿಲಲೊ
ತುಜೆಂ ಖಾಣ್ ಸದಾಂ ದಿ ಆಮ್ಕಾಂ
ದೈವಿಕ್ ಜಿವಾನ್ ಭರ್ ಆಮ್ಕಾಂ

3. ಉಜ್ವಾಡ್ ಸಂಸಾರಾಂತ್ ತುಂ, ದಿವೊ ಕಾಳೊಕಾಂತ್
ಚಲವ್ನ್ ಆಮ್ಕಾಂ ವ್ಹರ್ ತುಜ್ಯಾ ಉಜ್ವಾಡಾಂತ್
ತುಜೆಂ ಖಾಣ್ ಸದಾಂ ದಿ ಆಮ್ಕಾಂ
ದೈವಿಕ್ ಜಿವಾನ್ ಭರ್ ಆಮ್ಕಾಂ

4. ಜಯ್ತೆವಂತ್ ಜಾಲೊಯ್ ತುಂ ಪಾತ್ಕಾ ಮರ್ಣಾಚೆರ್
ಆಧಾರ್ ಲಾಭಯ್ ಝುಜುಂಕ್ ಸಂಸಾರಾಚೆರ್
ತುಜೆಂ ಖಾಣ್ ಸದಾಂ ದಿ ಆಮ್ಕಾಂ
ದೈವಿಕ್ ಜಿವಾನ್ ಭರ್ ಆಮ್ಕಾಂ