ಸುಖಾಂತ್ ದುಖಾಂತ್ ಪಿಡೆಂತ್ ಭಲಾಯ್ಕೆಂತ್
ರಾವ್ತಾಂವ್ ವಿಶ್ವಾಸಿ ಸೊಮ್ಯಾ ಆಮಿ
ರಾಕಾ ಆಮ್ಚೊ ಬಾಂದ್ ಶೆವೊಟ್ ಪರ್ಯಾಂತ್
ಲಾಲೆವ್ನ್ ಮಾಗ್ತಾಂವ್ ಭುರ್ಗಿಂ ತುಜಿಂ

ವಿಶ್ವಾಸ್ಪಣಾನ್ ಭರ್, ವಾಳೊಂ ಮೊಗಾಚಿ ಝರ್
ಘರಾಂತ್ ಆಮ್ಚ್ಯಾ ಸೊಮ್ಯಾ, ವಾಳೊಂ ಕುರ್ಪೆ ಝರ್
ಮೊಗಾನ್ ಆಮ್ಕಾಂ ಭರ್, ವಾಳೊಂ ಕುರ್ಪೆ ಝರ್
ಜಿಯೆಂವ್ಕ್ ಸಮರ್ಪಣ್ ಧಯ್ರಾನ್ ಆಮ್ಕಾಂ ಭರ್

ಸಂಸ್ರಾ ದರ್ಯಾಂತ್ ಜಿಣಿಯೆ ತಾರ್ವಾಂತ್
ಕಶ್ಟ್ ಅನ್ವಾರಾಂಚೆಂ ವಾದಾಳ್ ಯೆತಾನಾ
ಮೊಗಾಚೊ ವಾಯ್ನ್ ಲಗ್ನಾ ಜಿವಿತಾಂತ್
ತುಜೆ ಸಂಗಿಂ ಸೊಮ್ಯಾ ಕೆದಿಂಚ್ ಸಂಪ್ಚೊ ನಾ.

ಪವಿತ್ರ್ ಕುಟಮ್ ಆಮಿ ಬಾಂದ್ಚ್ಯಾಕ್
ಕುರ್ಪೆನ್ ತುಜೆ ಫುಡೆಂ ಸರ್ತಾಂವ್
ಭುಗ್ರ್ಯಾ ಬಾಳಾಂಚ್ಯಾ ದೆಣ್ಯಾನ್ ಸೊಭ್ಚ್ಯಾಕ್
ಸೊಮ್ಯಾ, ದಯೆನ್ ದಿ ತುಜೆಂ ಬೆಸಾಂವ್