ಸಾಸ್ಣಾಚೊ ವಿಶೆವ್ ಸರ್ವೆಸ್ಪರಾ ತಾಕಾ (ತಿಕಾ) ಲಾಭಯ್
ಆನಿ ನಿರಂತರ್ ಪ್ರಕಾಸ್ ತಾಚೆರ್ (ತಿಚೆರ್) ಫಾಂಕಯ್

ಕಾಕುಳ್ತ್ ಮ್ಹಜಿ ಕರ್, ಏ ದೆವಾ, ಅಗಣಿತ್ ಕಾಕುಳ್ತಿ
ಅಪ್ರಾಧ್ ಮ್ಹಜೆ ಕಾಡ್ ಸರ್ವ್ ಪುಸುನ್, ಮ್ಹಜೆರ್ ಪಾವ್ ಬಿರ್ಮತಿ.

ಗುನ್ಯಾಂವ್ ಮ್ಹಜೊ ಧುವ್ನ್ ಕಾಡ್, ಸೊಮ್ಯಾ, ಕರ್ ತುಂ ನಿತಳ್ ಮ್ಹಾಕಾ
ಅಪ್ರಾಧ್ ಮ್ಹಜೊ ಹಾಂವ್ ಒಳ್ಕತಾಂ, ಪಾತಕ್ ಮ್ಹಜೆಂ ರಡ್ತಾಂ

ತುಜೆರ್ ಹಾಂವೆಂ ಪಾಪ್ ಆಧಾರ್ಲೆಂ, ಗುನ್ಯಾಂವ್ ಹಾಂವೆಂ ಕೆಲೊ
ಗುನ್ಯಾಂವ್ಕಾರ್ ಜಾವ್ನ್ ಹಾಂವ್ ಜಲ್ಮಲೊಂ, ಪಾತ್ಕಾಂತ್ ಗರ್ಭ್ ಸಂಭವ್ಲೊಂ

ಪಳೆ! ನಿಶ್ಕಪಟ್ ಮನಾ ಥಂಯ್ ಸೊಮ್ಯಾ, ಸಂತೊಸ್ ಪಾವ್ತಾಯ್
ಆನಿ ಅಂತಸ್ಕರ್ನಾಂತ್ ಮ್ಹಜ್ಯಾ ಜಾಣ್ವಾಯ್ ತುಂ ಶಿಕಯ್ತಾಯ್

ಹಿಸ್ಸೊಪಾನ್ ತುಂ ಮ್ಹಾಕಾ ಶುದ್ದ್ ಕರ್, ನಿತಳ್ ಹಾಂವ್ ಜಾತಲೊಂ
ಧು ತುಂ ಮ್ಹಾಕಾ, ಹಿಮಾ ಪ್ರಾಸ್ ಚಡ್, ಧವೊ ಹಾಂವ್ ಜಾತಲೊಂ

ನಿತಳ್ ಕಾಳಿಜ್ ಮ್ಹಾಕಾ ತುಂ ದಿ, ರಚ್ ತೆಂ ಮ್ಹಜೆ ಭಿತರ್
ಏಕ್ ಧಯ್ರಾಧಿಕ್ ಮನ್ ಮ್ಹಜೆ ಥಂಯ್, ದಯೆನ್ ತೆಂ ನಿರ್ಮಾಣ್ ಕರ್

ಬಲಿಯೊ ಕಾಂಯ್ ಮಾನ್ವನಾಂತ್ ತುಕಾ, ತ್ಯೊ ತುಂ ಸ್ವೀಕಾರ್ ಕರ್ನಾಯ್
ದುಕೆಸ್ತ್ ಮನ್ ಬಲಿದಾನ್ ಮ್ಹಜೆಂ ಇನ್ಕಾರ್ ಕರಿಸೊನಾಯ್

ತುಜ್ಯಾ ಆಧಾರಾಚೊ ಸಂತೊಸ್, ಪರ್ತುನ್ ಮ್ಹಾಕಾ ತುಂ ಗಿ
ಉಘಡ್ ಮ್ಹಜೆ ಓಂಠ್, ತೊಂಡ್ ಮ್ಹಜೆಂ ಗಾಜೊಂವ್ ಮಹಿಮಾ ತುಜಿ