ಸಾಂತ್ ಆನ್ನಾ ತುಜಿ ಸುಫಳ್ ಜಿಣಿ
ದೇವ್ ಜಾಲಾ ನಾತು ತುಜೊ
ಸೊಮಿ ಮ್ಹಜೊ, ರಾಜಾ ಮ್ಹಜೊ
ದಾನ್‍ಧರ್ಮ್ ಮಾಯೆ ಥೊರ್ ತುಜೊ

ತುಜೆಂ-ಗೆ ನಾಂವ್ ನವಾಲಾಂ ಪರಿಂ
ಆನ್ನಾ ಮ್ಹಣ್ಜೆ ಕುರ್ಪಾ ಥೊರಿ
ಕುರ್ಪೆಂತ್ ಆಸ್ತಾಂ ಥೊರಿ ಜಾಲಿ
ದೆವಾನ್ ತುಕಾ ಆಪ್ಲಿ ಆಜಿ ಕೆಲಿಂ.

ತುಜೇ-ಗೆ ಕುಶಿಂ ಸದೆಂವಿ ಲೆಖಿ
ದೆವಾಚಿ ಮಾತಾ ಆಂಕ್ವಾರ್ ಎಕಿ
ತುಜೇ-ಗೆ ಕುಶಿಂ ದೇವ್‍ಸುತ್
ನಾತು ಮಾಯೆ ತುಜೊ ಪ್ರಿತಿವಂತ್

ತುಜೆಂ-ಗೆ ಭಾಗ್ ವರ್ಣಿತಾಂವ್ ಥೊರ್
ಭಕ್ತಾಂ ಮಧೆಂ ಉಲ್ಲಾಸ್ ವ್ಹಡ್
ಲೆಖಿ ರಾಣಿ ನಾತು ರಾಜಾ
ವ್ಹಡ್ ರಾಣಿ ಮಾಯೆ ಮ್ಹಣ್ತಿತ್ ತುಕಾ

ತುಜೊ-ಗೆ ಪತಿ ಜೊಕಿಮ್ ಭಕ್ತ್
ದೆವಾಚೊ ಆಜೊ ಪ್ರಿತಿವಂತ್
ಭಕ್ತಾಂ ಮಧೆಂ ಮಾನ್ ಭೊಗಿ
ಶಿಯಾಸಣ್ ಕೆಲೆಂ ಆಪ್ಲ್ಯಾ ನಾತ್ವಾಲಾಗಿಂ

ಸಾಂತ್ ಆನ್ನಾ ಮಾಯೆ, ಆಮ್ಚೆ ಶೆಕಾಯೆ
ಚುಂಬನ್ ಘೆವುಂ ತುಜೆ ಘಾಯೆ,
ಕುರ್ಪಾ ಆಮ್ಕಾಂ ದಿ-ಗೆ ಥೊರ್
ಆಮ್ಚೆ ಪಾಸುನ್ ಮಾಯೆ ವಿನತಿ ಕರ್. ಆಮೆನ್.