ಸಾಂಡ್ ಜಾಳಾಂ ತುಜಿ ದರ್ಯಾವೆಳೆರ್
ಸಾಂಡ್ ತುಜೆಂ ಘರ್‍ದಾರ್ ಯೆ ಮ್ಹಜೊ ಪಾಟ್ಲಾವ್ ಕರ್

1. ಸಾಂಡ್ ದರ್ಯಾವೆಳೆರ್ ತುಜಿಂ ಜಾಳಾಂ
ಪಾಟ್ಲಾವ್ ಕರ್ ಮ್ಹಜೊ ಹಾಂವೆಂ ತುಕಾ ಮ್ಹಳಾಂ
ಸಾಂಡ್ ತುಜ್ಯಾ ಮೊಗಾಚ್ಯಾಂಕ್, ಸಾಂಡ್ ತುಜೆಂ ಘರ್‍ದಾರ್
ದಿತಾಂ ಮೋಗ್ ಮ್ಹಜೊ ಸದಾಂ ವೇಂಗ್ ಮ್ಹಾಕಾ ಮಾರ್

ಆಜ್ ಆಯ್ಲ್ಯಾಂವ್ ಬಾಪಾ
ತುಜೊ ತಾಳೊ ಆಯ್ಕೊನ್ ಸರ್ವ್ ಆಮಿ
ಆಜ್ ಆಯ್ಲ್ಯಾಂವ್ ಆಮಿ
ತುಜ್ಯಾ ನವ್ಯಾ ಯಾಜಕಾ ಸಂಗಿಂ
ನೀಜ್ ಸಂತೊಸ್ ಆಮ್ಕಾಂ
ತುಜೊ ಬಾಪಾ ಉಪ್ಕಾರ್ ಆಟೊಂವ್ಚ್ಯಾಕ್
ತುಜ್ಯಾ ದೆಣ್ಯಾಂ ಖಾತಿರ್
ಕಾಳ್ಜಾಂತ್ ಥಾವ್ನ್ ಅರ್ಗಾಂ ಭೆಟೊಂವ್ಚ್ಯಾಕ್

2. ವಿಂಚುನ್ ಕಾಡ್ಲಾ ತುಕಾ ಮ್ಹಜೆ ಖುಶೆನ್
ತುವೆಂ ವಿಂಚುಂಕ್ ನಾಯ್ ಮ್ಹಾಕಾ ತುಜೆ ಆಶೆನ್
ವಿಂಚುನ್ ಕಾಡ್ಲಾ ತುಕಾ ತುವೆಂ ಫಳ್ ಜೊಡ್ಚ್ಯಾಕ್
ತುಜೊ ಪ್ರತಿಫಳ್ ಬಾಳ್ಚ್ಯಾಕ್ ಸಾಸ್ಣಾ ಸಾಸ್ಣಾಕ್

3. ವಚ್ ಸಗ್ಳ್ಯಾ ಸಂಸಾರಾರ್ ಧಾಡ್ತಾಂ ತುಕಾ
ಶುಭ್‍ವಾರ್ತಾ ಪ್ರಗಟ್ಚ್ಯಾ ವಾವ್ರಾಂತ್ ಜಾಯ್ ತುಂ ಮ್ಹಾಕಾ
ವಚ್ ಮ್ಹಾಕಾ ಸಾಕ್ಸ್ ಜಾವ್ನ್, ವಚ್ ಮ್ಹಜೊ ಮೋಗ್ ದಿವ್ನ್
ಆಸಾ ಹಾಂವ್ ತುಜೆ ಸಂಗಿಂ ಹಾಂವ್ ತುಜೊಚ್ ಜಾವ್ನ್