ಸರ್ವೆಸ್ಪರಾ ಥಂಯ್ ಕಾಳಿಜ್ ಮ್ಹಜೆಂ ಉಲ್ಲಾಸಾನ್ ಉಡ್ತಾ

1. ಸರ್ವೆಸ್ಪರಾ ಥಂಯ್ ಕಾಳಿಜ್ ಮ್ಹಜೆಂ ಸಂತೊಸ್ ಪಾವೊನ್ ನಾಚ್ತಾ
ಮ್ಹಜ್ಯಾ ದೆವಾಥಂಯ್ ಘಟಾಯ್ ಆನಿ ಬಳ್ ಸದಾಂಚ್ ಮ್ಹಾಕಾ ಮೆಳ್ತಾ
ದುಸ್ಮಾನಾಂಚಿ ಕಾಂಯ್ ಭಿರಾಂತ್ ನಾಸ್ತಾಂ, ಧಯ್ರಾನ್ ಹಾಂವ್ ಚಮ್ಕತಾಂ
ಸೊಮಿ ಮ್ಹಜೊ ದೇವ್, ಮೊಗಾನ್ ತಾಚ್ಯಾ ಹಾಂವ್ ಜೀವನ್ ಮ್ಹಜೆಂ ಸಾರ್ತಾಂ

2. ಮರಣ್ ಆಯ್ಲ್ಯಾರಿ ಸೊಮಿ ಮ್ಹಾಕಾ ಸಾಸ್ಣಿಕ್ ಜಿವಿತ್ ದಿತಾ
ಫೊಂಡಾಂತ್ ಆಸ್ಲ್ಯಾರಿ ದಯೆನ್ ಮ್ಹಾಕಾ ತೊ ಉಕಲ್ನ್ ಉಬಾರ್ನ್ ಧರ್ತಾ
ದುರ್ಬಳ್ಕಾಯ್ ಧಾಡ್ತಾ, ಗ್ರೇಸ್ತ್‍ಕಾಯ್ ದಿತಾ, ಹ್ಯಾ ಸಂಸಾರಾಂತ್ ಆಸ್ತಾಂ
ಧರ್ಣಿಕ್ ಶೆವ್ಟಿತಾ, ಪರ್ತ್ಯಾನ್ ಉಬಾರ್ತಾ, ಆಕೇರ್ ಪರ್ಯಾಂತ್ ರಾಕ್ತಾ

3. ದುಬ್ಳ್ಯಾಂ ಧಾಕ್ಟ್ಯಾಂಕ್ ತೊ ಆಪ್ಲ್ಯಾ ಬಳಾನ್ ಆಧಾರ್ ಕುಮಕ್ ದಿತಾ
ಅಸ್ಕತ್ ಗರೀಬಾಂಕ್ ವರ್ತೆ ದಯೆನ್ ತೊ ಉಕ್ಲುನ್ ವಯ್ರ್ ಊಂಚ್ ಕಾಡ್ತಾ
ಕುಂವರಾಂ ಮಧೆಂ ಸೊಮಿ ತಾಂಕಾಂ ವೈಭವಾನ್ ಬಸಯ್ತಾ
ಮಾನಾಚಿ ಬಸ್ಕಾ ಸಕ್ಟಾಂ ಹುಜಿರ್ ತೊ ತಾಂಕಾಂ ನಮಿಯಾರ್ನ್ ದಿತಾ