ಸರ್ವಸ್ವ್ ಆಮ್ಚೆಂ ಮೊಗಾಳ್ ಬಾಪಾ, ಕಾಣಿಕ್ ಜಾವುನ್ ತುಕಾ ದಿತಾಂವ್
ಮಾನುನ್ ತುಂ ಘೆ ದಯಾಳ್ ಬಾಪಾ, ಘಾಲ್ ತುಂ ತಾಂಚೆರ್ ತುಜೆಂ ಬೆಸಾಂವ್

1. ಕಿತೆಂಚ್ ನಾ ಆಮ್ಚೆಂಚ್ ಹ್ಯಾ ಸಂಸಾರಾಂತ್
ಆಸಾ ಜರ್ ಕಿತೆಂಯ್ ತುವೆಂಚ್ ದಿಲ್ಲೆಂ
ಭೆಟಯ್ತಾಂವ್ ಆಮ್ಕಾಂಚ್ ಹ್ಯಾ ಬಲಿದಾನಾಂತ್
ತುವೆಂ ದಿಲ್ಲ್ಯಾ ಸಗ್ಳ್ಯಾಂ ದೆಣ್ಯಾಂ ಸವೆಂ

2. ಜೆಜುನ್ ಭೆಟಯ್ಲೊ ಖುರ್ಸಾರ್ ಆಪ್ಣಾಕ್
ಆಮಾ ಸರ್ವಾಂಚ್ಯಾ ಮೊಗಾ ಪಾಸುನ್
ಪೆಲ್ಯಾ ಥಂಯ್ ಆಮಿ ಉದಾರ್ ಜಾಂವ್ಚ್ಯಾಕ್
ಆಧಾರ್ ದಿ ತು ಜಿಯೆಂವ್ಕ್ ಮಾಯಾಮೊಗಾನ್

3. ಉಂಡ್ಯಾ ವಾಯ್ನಾಚ್ಯಾ ಬಲಿದಾನಾಂತ್
ಸ್ವೀಕಾರ್ ಕರ್ ಆಮ್ಕಾಂ ತುಜ್ಯಾ ಭುಗ್ರ್ಯಾಂಕ್
ಥಿರಸಣ್ ಲಾಭಯ್ ಆಮ್ಚ್ಯಾ ಭಾವಾರ್ಥಾಂತ್
ತುಜ್ಯಾ ಪುತಾ ಜೆಜುಕ್ ಸಾಕ್ಷಿ ಜಾಂವ್ಚ್ಯಾಕ್