ಸದೆಂವ್ ಮಾಯೆ, ನಮಾನ್ ತುಕಾ, ರಾಣಿಯೆ ವಿಮಳ್, ನಿತಳಿ
ಮಾಗ್ತಾಂ ತುಜೊಚ್ ಕರ್ನ್ ಘೆ ಮ್ಹಾಕಾ, ತುಜೊಚ್ ಮಾಯೆ ಮೊಗಾಳಿ

ಶಿಕಯ್ ಆಮ್ಕಾಂ, ಮಾಯೆ, ಶಿಕಯ್, ಸರ್ವ್ ವಾಯ್ಟಾಂಚೆರ್ ವ್ಹರುಂಕ್ ಜಯ್ತ್
ಶೆಗುಣಾಂಚೊ ಮಾರಗ್ ದಾಕಯ್, ಪಾವಯ್ ಸರ್ಗಾಕ್ ವ್ಹರ್ನ್ ಶಾಬಿತ್

ತ್ರಿಲೊಕಿಂಚೊ ಧನಿ, ರಚ್ನಾರ್, ಜಾಲೊ, ಮಾಯೆ ತುಜೊ ಬಾಳ್
ನವ್ಯಾನ್ ಘಡುಂಕ್ ಪಾಪಿ ಸಂಸಾರ್, ಸುರು ಕರುಂಕ್ ಭಾಗಿ ಕಾಳ್

ತುವೆಂ ಮಾಯೆ, ಎವೆನ್ ನವ್ಯಾ, ನಿವಾರ್ನ್ ವ್ಹೆಲಿಯ್ ಆಮ್ಚಿ ಖ್ಯಾಸ್ತ್
ಭಡ್ವ್ಯಾಂ ರಾಣಿಯೆ ವೈಕುಂಠ್ ದಿವ್ಯಾಂ, ಕರ್ನ್ ಘೆ ಆಮ್ಕಾಂ ತುಜಿ ಆಸ್ತ್