ಸದಾಂ ಜಾಂವ್ ಭಾಗೆವಂತ್, ಸಾಂತಿಸ್ಸಿಮಾ ಸಾಕ್ರಾಮೆಂತ್
ಆತಾಂ ಆನಿ ಸದಾಂ ಸರ್ವದಾಂ

ತುಂ ತರ್ ದೇವ್ ಸತೆವಂತ್, ಆಸಾಯ್ ಪವಿತ್ರ್ ಹೊಸ್ತುಂತ್
ಕುಡಿ ಅತ್ಮ್ಯಾ ರಗ್ತಾ ಮಾಸಾ ಸಯ್ತ್

ಜೊ ಕೊಣ್ ತುಕಾ ಸೆವಿತಾ, ಜೊ ತುಜೆ ಥಂಯ್ ರಾವ್‍ತಾ
ದೇವ್ ಆನಿ ಮನಿಸ್ ಮೆಳೊನ್ ದೊಗ್‍ಯಿ ಏಕ್ ಜಾತಾತ್

ತುಂ ತರ್ ದೇವ್ ದೆವಾಂಚೊ, ಉಂಡೊ ಆಂಜಾಂ ಭಡ್ವ್ಯಾಂಚೊ
ಸಾಕ್ರಾಮೆಂತ್ ಮೊಗಾಚೊ, ನೀಜ್ ಗ್ರಾಸ್ ಅತ್ಮ್ಯಾಂಚೊ

ತುಂ ತರ್ ದೇವ್ ಪೂತ್ ನೀಜ್ ದೆವಾಚೊ, ದುಸ್ರೊ ಜಣ್ ತ್ರಿದಾಂದಿಚೊ
ಸಾಂತ್ ಸಾಂತಾಚೊ, ಪಾತ್ಕ್ಯಾಂನಿ ಕಸೊ ಘೆವ್ಚೊ?

ತುಂ ತರ್ ದೇವ್ ಸಾತ್ವ್ಯಾ ಸರ್ಗಾ ವಯ್ಲೊ,
ಹಾಂವ್ ತರ್ ಕಿಡೊ ಹೆ ಧರ್ಣಿ ವಯ್ಲೊ
ಕಸ್ಲೊ ಸಾಂಗಾತ್, ದೆವಾ, ದೆಂವ್ಚಾರ್ ಭಿಯೆತಲೊ

ಖರೆಂ ಉತರ್ ಆಜ್ ತುಕಾ ದಿತಾಂವ್,
ಕಾಳ್ಜಾಂತ್ ಥಾವ್ನ್ ಮೋಗ್ ತುಜೊ ಕರ್ತಾಂವ್,
ಆಮ್ಚೆರ್ ಘಾಲ್ ತುಜೆ ಕುರ್ಪೆಚೆಂ ಬೆಸಾಂವ್