ಸದಾಂನಿತ್ ಸೊಮ್ಯಾ, ಗೀತ್ ತುಜೆಂ ಗಾತಾಂ
ಜಿಣಿ ಸರ್ವ್ ಮ್ಹಜಿ ತುಕಾ ಅರ್ಪಿತಾಂ
ಮ್ಹಾಕಾ ತುಂ ಆಯ್ಕತಾಯ್, ಮ್ಹಜೆ ಸಂಗಿಂ ಉಲಯ್ತಾಯ್
ಮ್ಹಜೆ ಸಂಗಿಂ ಜೆಜು ತುಂ ಚಮ್ಕತಾಯ್

ಸಗ್ಳ್ಯಾ ಮ್ಹಜ್ಯಾ ಕಾಳ್ಜಾನ್ ತುಕಾ ಸೊಮ್ಯಾ ಗಾಯ್ತಾಂ
ತುಜೊ ಮಾತ್ರ್ ಮೋಗ್ ಕರುಂಕ್ ಪೆಚಾಡ್ತಾಂ
ಕಿತ್ಯಾಕ್ ತುವೆಂ ಮ್ಹಾಕಾ, ತುಜೊಚ್ ಕರುನ್ ಘೆತ್ಲಾಯ್
ಆವಯ್ಚೆ ಕುಶಿಂತ್ ಥಾವ್ನ್ ತುವೆಂ ವಿಂಚ್ಲಾಯ್.

ವಾಟ್ ಸೊಮ್ಯಾ ತುಂ ಬಾಪಾ ಥಂಯ್ ವ್ಹರುನ್ ಪಾಂವ್ಚಿ
ವಾಟ್ ತುಂ ಸಾಸ್ಣಿಕ್ ಜಿವಿತ್ ಜೊಡುನ್ ದಿಂವ್ಚಿ
ತುಜೆರ್ ಚಮ್ಕುನ್ ವೆಚೊ ನಿಜಾಯ್ಕಿ ತೊ ಭಾಗಿ!
ದುಬಾವಾ ವಿಣೆಂ ತೊ ಪಾವ್ತಲೊ ಸರ್ಗಿಂ.