ಸಗ್ಳಿ ಸೃಶ್ಟಿ ಪಾವನಾ ಬಾಳ್ಕಾ ಧರುಂಕ್ ತುಕಾ
ಕಸೊ ರಿಗ್ಲೊಯ್ ಆಶೀರ್ ಖಾವ್ಣೆಂತ್ ಸಾಂಗ್ ತುಂ ಮ್ಹಾಕಾ
ಪ್ರಿತಿಚ್ಯಾ ಏ ಬಾಳಕಾ, ವಂದಿತಾಂವ್ ಏ ತಾರಕಾ
ಜಯೊ ಜೊಂಪಿ ಕಾಡ್ತಾಂ ತುಕಾ, ರಚ್ನಾರಾ
ಜಯೊ ಜೊಂಪಿ ಕಾಡ್ತಾಂ ತುಕಾ

“ಪಾಠಯ್ಲೊ ಬಾಪಾನ್ ಮ್ಹಾಕಾ ವಚುಂಕ್ ಹ್ಯಾ ಸಂಸಾರಾಂತ್
ಸೊಡ್ವಣ್ ಕರ್ಚ್ಯಾಕ್ ಧಾಡ್ಲೊ ಮ್ಹಾಕಾ ಮನ್ಶಾಕುಳಾಕ್
ಜಾಗೊ ಥಂಯ್ಸರ್ ಮೆಳ್ಳೊನಾ, ಮ್ಹಾಕಾ ಸ್ವೀಕಾರ್ ಕೆಲೊನಾ
ಜಲ್ಮಲೊಂ ಗೊರ್ವಾಂಚ್ಯಾ ಗೊಟ್ಯಾಂತ್, ತುಜೆ ಪಾಸುನ್
ಜಲ್ಮಲೊಂ ಗೊರ್ವಾಂಚ್ಯಾ ಗೊಟ್ಯಾಂತ್.”

ಸಾಂಬಾಳ್ನಾರ್, ಏ ಬಾಳಕಾ, ತುಂ ಸಂಸಾರಾಚೊ
ಸರ್ವ್ ಪದ್ವೆದಾರ್ ರಚ್ನಾರ್ ತುಂ ಸಗ್ಳೇ ಸೃಶ್ಟಿಚೊ
ಆಮ್ಚೊ ವೇಸ್ ಕಿತ್ಯಾಕ್ ಘೆತ್ಲಾಯ್? ಅಸ್ಕತ್ ಬಾಳ್ ಕಿತ್ಯಾಕ್ ಜಾಲಾಯ್?
ಖಂಯ್ ಆಸಾ ತೊ ವೈಭವ್ ತುಜೊ? ಸಾಂಗ್ ಮ್ಹಾಕಾ
ಖಂಯ್ ಆಸಾ ತೊ ವೈಭವ್ ತುಜೊ?

“ಪಾತ್ಕಾಂತ್ಲಿಂ ಸೊಡೊಂವ್ಕ್ ತುಮ್ಕಾಂ ಹಾಂವ್ ಹ್ಯಾ ಭುಮಿರ್ ಆಯ್ಲಾಂ
ದೇವ್ ಜಿವಿತ್ ಭರ್ಪೂರ್ ಥರಾನ್ ದಿಂವ್ಚ್ಯಾಕ್ ಹಾಂವ್ ಆಯ್ಲಾಂ
ದೈವಿಕ್ ಬಾಳ್ ತುಕಾ ಕರ್ಚ್ಯಾಕ್, ಮೊಗಾ ಉಜೊ ಪೆಟಂವ್ಚ್ಯಾಕ್
ಅಸ್ಕತ್ ಮನ್ಶಾ ಬಾಳ್ಶೆಂ ಜಾಲಾಂ ತುಕಾ ಲಾಗೂನ್
ಅಸ್ಕತ್ ಮನ್ಶಾ ಬಾಳ್ಶೆಂ ಜಾಲಾ.”