ಸಕ್ಕಡ್ ಸಾಂಗಾತಾ ಮೆಳ್ಯಾಂ, ಸಕ್ಕಡ್ ಲಾಗಿಂ ಸರ್ಯಾಂ
ಆಮ್ಚೆ ತಾಳೆ ಏಕ್ ಕರ್ಯಾಂ, ಮರಿಯೆಕ್ ಹೊಗಳ್ಸಿಯಾಂ

ವೊಡ್ತಾಂ ಹಿತ್ಲಾಂನಿ ಸೊಧ್ಯಾಂ, ಫುಲಾಂ ಎಕ್ಟಾಂಯ್ ಕರ್ಯಾಂ
ತಾಂಚೊ ಏಕ್ ಮುಕುಟ್ ಗುಂತ್ಯಾಂ, ಆನಿ ಮಾಯೆಕ್ ದಿವ್ಯಾಂ

ಫಾಲ್ಯಾಂ ಭಿತರ್ ಬಾವ್ತಲಿಂ, ಹಿಂ ಸಿಂವ್ತಿಂ ಆಬೊಲಿಂ
ಫುಲಾಂ ತರ್ ಖಂಯ್ ಮೆಳ್ತಲಿಂ, ಮರಿಯೆಕ್ ಫಾವೊ ಜಾಲ್ಲಿಂ

ತುಜೆಂ ಕಾಳಿಜ್ ತಿಕಾ ದಿ, “ಪುತಾ ಹೆಂ ದಿ” ಖಂಯ್ ತಿ
ಕರ್ತಾ ಪುರ್ಬಾಯ್ ಮಾಯ್ ಮ್ಹಜಿ, ಹ್ಯಾ ಸೊಭಿತ್ ಫುಲಾಚಿ

ದರ್ಯಾಂತ್ ಮಾಯೆ ಪಯ್ಣ್ ಕರ್ತಾಂವ್, ಬುಡ್ಚ್ಯಾ ಮೊಸಾಂತ್ ಆಸಾಂವ್
ಮಾಯ್, ತುಜೊ ಆಧಾರ್ ಮಾಗ್ತಾಂವ್, ಆನಿ ಧಯ್ರಾನ್ ರಾವ್ತಾಂವ್.

ತುಂ ಸುಕ್ರು ಸಂತೊಸಾಚೊ, ಧಾಡ್ ತರ್ ಉಜ್ವಾಡ್ ತುಜೊ
ಆಮ್ಕಾಂ ಧಾಂಪ್ಚ್ಯಾ ಮೊಡಾಂಚೊ, ಕಾಳೊಕ್ ಪಯ್ಸ್ ಧಾಂವ್ಡಾಂವ್ಚೊ

ವಾಡೊಂ, ಚಡೊಂ ತುಜೆಂ ನಾಂವ್, ತುಜಿ ಭಕ್ತ್ ಉದಾರ್ ಜಾಂವ್
ಮೆಳೊನ್ ಮಾಯ್ ತುಜೆಂ ಬೆಸಾಂವ್, ಭಾಗಿ ಜಾಂವ್ ಆಮ್ಚೊ ಗಾಂವ್