ಸಂತೊಸ್ಭರಿತ್ ಕಾಳ್ಜಾನ್ ಮಂದಿರಾಂತ್ ಜಮ್ಲ್ಯಾಂವ್
ಕೀರ್ತನಾಂನಿ ಸೊಮ್ಯಾ ತುಜಿ ಸ್ತುತಿ ಗಾತಾಂವ್
ಖಾಲ್ತೆಪಣಿಂ ಧನ್ಯಾ ಪ್ರಣಾಮ್ ಅರ್ಪಿತಾಂವ್
ತುಜೆ ಕುರ್ಪೆನ್ ಭರ್ ಮ್ಹಣ್ ಪರಾತ್ತಾಂವ್

1. ತುಜೆ ವೆದಿ ಭೊಂವ್ತಿಂ ಎಕ್ಟಾಂಯ್ ಜಾಲ್ಯಾಂವ್
ಆಮ್ಕಾಂಚ್ ಆಮಿ ಆಜ್ ಒಪುನ್ ದಿತಾಂವ್
ಭಕ್ತಿನ್ ಉರ್ಬೆನ್ ತುಕಾ ಆರಾಧನ್ ಕರ್‍ತಾಂವ್
ಸರ್ವೆಸ್ಪರಾ ಆಮ್ಚೆರ್ ಘಾಲ್ ತುಜೆಂ ಬೆಸಾಂವ್

2. ಸ್ವಾದಿಕ್ ಮೋಗ್ ತೊ ತುಜೊ ಮಿತ್‍ಮೇರ್ ನಾಸ್ಲಲೊ
ವೈಭವ್ ಮಹಿಮಾ ಮಾನ್ ತುಕಾ ಫಾವೊ
ಭುರ್ಗ್ಯಾಂಕ್ ತುಜ್ಯಾ ಬಾಪ್ ತುಂ ಪ್ರೀತ್ ಮೊಗಾಚೊ
ಸದಾಂ ಸಾಂಬಾಳ್ ಆಮ್ಕಾಂ ಹಾತ್ ದಿವ್ನ್ ಕುಮ್ಕೆಚೊ