ಸಂತೊಸಾನ್ ಗಾವ್ಯಾಂ, ಉಲ್ಲಾಸಾನ್ ಗಾವ್ಯಾಂ
ಜೆಜುಚ್ಯಾ ಜಲ್ಮಾ ಥಂಯ್ ಉಲ್ಲಾಸ್ ಕರ್ಯಾಂ
ದೇವ್ ದುತಾಂ ಸವೆಂ ಗ್ಲೋರಿಯಾ ಮ್ಹಣ್ಯಾಂ
ದೇವ್ ಬಾಳ್ಕಾಕ್, ಕ್ರಿಸ್ತಾ ರಾಯಾಕ್ ನಮಾನ್ ಕರ್ಯಾಂ

ದೇವ್ ತೊ ಸರ್ಗಿಂಚೊ, ರಾಯ್ ತೊ ರಾಯಾಂಚೊ
ಆಯ್ಲಾ ಸಂಸಾರಾರ್ ರಕ್ಷಕ್ ಜಾವ್ನ್ ಆಮ್ಚೊ
ಶಿಕೊಂವ್ಕ್ ಆಮ್ಕಾಂ ಮೋಗ್ ಸರ್ಗಿಂ ಬಾಪಾಚೊ
ಆದೇಶ್ ದಿಂವ್ಚ್ಯಾಕ್ ಆಮ್ಕಾಂ ಮಾಯಾಮೊಗಾಚೊ

ದೇವ್ ಬಾಳ್ಕಾಕ್ ಆಮಿ ವಂದನ್ ಕರುಯಾಂ
ಭಕ್ತಿನ್ ಕರ್ನ್ ಪ್ರಣಾಮ್ ಕಾಣಿಕೊ ದಿವ್ಯಾಂ
ಆಮ್ಕಾಂಚ್ ಆಜ್ ಆಮಿ ತಾಕಾ ಅರ್ಪಿಯಾಂ
ತಾಚೆ ಥಾವ್ನ್ ಭರ್ಪೂರ್ ಆಶಿರ್ವಾದ್ ಜೊಡ್ಯಾಂ