ಸಂತೊಸಾಚಿಂ ಮೆಟಾಂ ಕಾಡುನ್, ಖಾಲ್ತೆಪಣಿಂ ಕುರ್ಪಾ ಜೊಡುನ್
ಸೊಮ್ಯಾ ಸಮೊರ್ ಯೆತಾಂವ್
ತಾಚಿಂ ಕೃತ್ಯಾಂ ಮತಿಂತ್ ಆಟೊವ್ನ್, ಮಹಿಮಾ ಸ್ತುತಿ ಭೆಟೊವ್ನ್ }2
ತಾಕಾ ಅರ್ಗಾಂ ದಿತಾಂವ್}2

1. ಸರ್ವೆಸ್ಪರ್ ತೊ ದೇವ್ ಆಮ್ಚೊ, ರಚ್ನಾರ್ ಸರ್ಗಾ ಸಂಸ್ರಾಚೊ(2)
ಎಕಾ ಉತ್ರಾನ್ ತಾಚ್ಯಾ ಸಂಸಾರ್ ರಚಿತ್ ಜಾಲೊ
ಆಪ್ಲ್ಯಾಚ್ ಸಾರ್ಕ್ಯಾನ್ ತಾಣೆಂ ಮನ್ಶಾಕ್ ರುಪಿತ್ ಕೆಲೊ
ದೆಕುನ್ ನಿಜಾಕಿ ಬಾಪುಯ್ ತೊ ಸರ್ವಾಂಚೊ

2. ಸರ್ವಯ್ ರಚ್ನಾಂಕ್ ತೊ ರಾಕ್ತಾ, ಮೊಗಾನ್ ಆಮ್ಕಾಂ ಸಾಂಬಾಳ್ತಾ(2)
ಶೆತಾಂತ್ ಫುಲಾಂಕ್ ಪಳೆ ಕಶೆಂ ನ್ಹೆಸಯ್ತಾ
ಅಂತ್ರಾಳಿ ಸುಕ್ಣ್ಯಾಂಕ್ ಖಾಣ್ ದಿವ್ನ್ ತೊ ಪೊಸ್ತಾ
ತಾಚೆ ಪ್ರಾಸ್ ವತ್ರ್ಯಾನ್ ಆಮ್ಚಿ ಜತನ್ ಘೆತಾ