ಶಾಂತಿನ್ ತುಜೆ ಶುಭ್‍ವಾರ್ತಾ ಪ್ರಸಾರುಂಕ್
ಸೊಮ್ಯಾ ಹಾಂವ್ ವೆತಾಂ, ಹಾಂವ್ ವೆತಾಂ
ವಾಟೆನ್ ತುಜೆ ಚಲುಂಕ್, ಆಧಾರ್ ದಿ ತುಂ ಸೊಮ್ಯಾ
ಸೊಮ್ಯಾ ಹಾಂವ್ ಮಾಗ್ತಾಂ, ಸೊಮ್ಯಾ ಹಾಂವ್ ಮಾಗ್ತಾಂ

1. ವ್ಹಡಾ ಆನಂದಾಕ್ ತುಜ್ಯಾ ಸಮರ್ಪಿತಾಂ ಸರ್ವ್ ವಾವ್ರ್
ಕಶ್ಟಾಂ ಸಂಕಶ್ಟಾಂತ್ ಜಾ ತುಂ ಮ್ಹಜೊ ನೀಜ್ ಸೊಡ್ವೊಣ್ದಾರ್
ಪವಿತ್ ಸಬ್ದಾಚ್ಯಾ ಉಜ್ವಾಡಾನ್ ಚಲುಂಕ್ ದಿ ತುಂ ಆಧಾರ್
ವಿಘ್ನಾಂ ಅನ್ವಾರಾಂ ಸೊಮ್ಯಾ, ದಯೆನ್ ನಿವಾರ್

2. ಅರ್ಗಾಂ ಸ್ತುತಿ ಮ್ಹಯ್ಮಾ ತುಕಾ ಬಾಪಾ ಸರ್ಗಿಂಚ್ಯಾ
ಚಲಯ್ ರಾಜ್ವಟ್ ಕ್ರಿಸ್ತಾ ರಾಯಾ ಕಾಳ್ಜಾಂನಿ ಆಮ್ಚ್ಯಾ
ಪಾಠಯ್ ಉಜ್ವಾಡ್, ಧಾಂವ್ಡಾಯ್ ಅಂಧ್ಕಾರ್ ಏ ಪವಿತ್ರ್ ಅತ್ಮ್ಯಾ
ಲಾಭಯ್ ಶಾಂತಿ ಸಮಾಧಾನ್, ಸಾಸ್ಣಾ ಸಾಸ್ಣಾಕ್