ವ್ಹಡ್ ಸಂತೊಸಾನ್ ಬಾಪಾ ಹ್ಯಾ ಮಂದಿರಾಕ್ ಆಯ್ಲ್ಯಾಂವ್
ಸ್ತುತಿ ತುಜಿ ಕರುಂಕ್ ಹಾಂಗಾ ಆಮಿ ಜಮ್ಲ್ಯಾಂವ್
ಪ್ರಣಾಮ್ ಕರುನ್ ಉಪ್ಕಾರ್ ಆಟೊವ್ನ್
ಭೆಟಯ್ತಾಂವ್ ಅರ್ಗಾಂ ಬಲಿದಾನ್

ಜೈ ಜೈ ಬಾಪಾ ಜೈ ಜೈ ತುಕಾ, ಜೈ ಜೈ ತುಕಾ ಜೆಜು ಕ್ರಿಸ್ತಾ
ಜೈ ಜೈ ತುಕಾ ಪವಿತ್ರ್ ಅತ್ಮ್ಯಾ, ಜೈ ಜೈ ತುಕಾ ತ್ರಿಏಕ್ ದೆವಾ

1. ಪವಿತ್ರ್ ಸ್ನಾನಾಂತ್ ಬಾಪಾ ನವೆಂ ಜಿವಿತ್ ದಿಲೆಂಯ್
ಕ್ರಿಸ್ತಾ ಯಾಜಕ್ಪಣಾಂತ್ ಭಾಗಿದಾರಾಂ ಕೆಲಿಂಯ್
ಆಮ್ಕಾಂಚ್ ಮೊಡುನ್ ತುಕಾ ಸಾಕ್ಸ್ ದಿಂವ್ಕ್
ಲಾಲೆವ್ನ್ ಮಾಗ್ತಾಂವ್ ತುಜೆಂ ಬೆಸಾಂವ್

2. ಸಮರ್ಪಿಲೊ ಕ್ರಿಸ್ತಾನ್ ಆಪ್ಣಾಕ್ ಕಾಲ್ವಾರ್ ದೊಂಗ್ರಾರ್
ತಾಚೆಂಚ್ ಬಲಿದಾನ್ ಆಜ್ ಭೆಟಯ್ತಾಂವ್ ಆಲ್ತಾರಾರ್
ಪಾತಕ್ ಸಾಂಡುನ್ ಜಿವಿತ್ ಜೊಡುಂಕ್
ಲಾಲೆವ್ನ್ ಮಾಗ್ತಾಂವ್ ತುಜೆಂ ಬೆಸಾಂವ್