ಲ್ಹಾನಾಂ ವ್ಹಡಾಂ ಸಂಗಿಂ ಮೆಳುನ್ ಗಿತಾಂ ಗಾವ್ಯಾಂ
ಬಾಪಾಕ್ ಪುತಾಕ್ ಪವಿತ್ರ ಅತ್ಮ್ಯಾಕ್ ಧಿನ್ವಾಸುಂಯಾ
ಭಾವಾರ್ಥಾಚೊ ಘುಟ್ ಪರ್ಗಟುನ್ ಸಂಭ್ರಮ್ ಕರ್ಯಾಂ
ಮೊಗಾ ಸೆವೆನ್ ಜಿಣಿ ಜಿಯೆಂವ್ಕ್ ಆಧಾರ್ ಮಾಗ್ಯಾಂ

1. ಸೊಡ್ವಣೆಚಿಂ ವಿಚಿತ್ರ್ ಕೃತ್ಯಾಂ ಮತಿಂತ್ ಹಾಡ್ಯಾಂ
ಅಪರಿಮಿತ್ ಮೋಗ್ ದೆವಾಚೊ ಕಾಳ್ಜಾಂತ್ ಭೊಗ್ಯಾಂ
ಕ್ರಿಸ್ತಾಚೊ ಘುಟ್ ಭಕ್ತಿನ್ ನಿಯಾಳ್ನ್ ಅಜಾಪ್ ಪಾವ್ಯಾಂ
ಉತ್ರಾಂ ಕರ್ಣೆನ್ ಸುವಾರ್ತೆಚ್ಯೊ ಸಾಕ್ಷಿ ಜಾವ್ಯಾಂ

2. ದೈವಿಕ್ ಉತ್ರಾನ್ ಜಿಣ್ಯೆ ಪಯ್ಣಾಕ್ ಉಜ್ವಾಡ್ ಜೊಡ್ಯಾಂ
ಸರ್ಗಿ೦ ಜೆವ್ಣಾಂತ್ ಪೊಶಿತ್ ಜಾವುನ್ ಫುಡೆಂ ಸರ್ಯಾಂ
ಪವಿತ್ರ್ ಅತ್ಮ್ಯಾಚ್ಯಾ ಪ್ರೇರಣಾನ್ ಉರ್ಬೆಸ್ತ್ ಜಾವ್ಯಾಂ
ಆಮ್ಚ್ಯೆ ಬೊಂವ್ತಿಂ ಭರ್ವಶ್ಯಾಚೆ ಧರ್ಮ್‌ದೂತ್ ಜಾವ್ಯಾಂ