ರಾತ್ ಆತಾಂ ಸಂಪ್ಲಿ ನವೊ ದೀಸ್ ಉದೆಲೊ
ರಚ್ನಾರಾಕ್ ವಚುನ್ ಮೆಳ್ಚೊ
ಸಂಸ್ರಾಕ್ ಆದೆವ್ಸ್ ಮ್ಹಣ್ಚೊ ವೇಳ್ ಆತಾಂ ಜಾಲೊ
ವೇಳ್ ಜಿಣಿಯೆಚೆಂ ಲೆಖ್ ದಿವ್ಚೊ

ಜೆಜು ಸೊಡ್ವಣ್ದಾರಾ, ಹೆ ಘಡಿಯೆ ಸಾಂಡಿನಾಕಾ
ಕಾಕುಳ್ತ್ ತುಜಿ ಲಾಭಯ್, ಏ ಕಾಕುಳ್ತ್‍ದಾರಾ
ಭೆಟ್ತಾನಾ ಆಜ್ ತುಂ ಮ್ಹಾಕಾ

ಮೊವಾಳ್ ಉತ್ರಾಂನಿ ಜೆಜು ಮ್ಹಾಕಾ ಆಪಯ್
ನ್ಹಯ್‍ಗಿ ತುಂ ಗೊವ್ಳಿ ಮ್ಹಜೊ?
ವಾಟ್ ಚುಕೊನ್ ಗೆಲ್ಲಿ ಶೆಳಿ ಮ್ಹಣ್ ತುಂ ಜಾಣಾಯ್
ಜಾಂವ್ಕ್ ಆಶೆತಾಂ ಹಾಂವ್ ತುಜೊ

ಉಜ್ವ್ಯಾ ಹಾತಾಚ್ಯಾ ಚೊರಾಕ್ ಸರ್ಗ್ ಭಾಸಾಯ್ಲೊಯ್
ಧಾರುಣ್ ಮ್ಹಜೆರ್ ಜಾಯ್ನಾಕಾ
ಪಾತ್ಕ್ಯಾ ಜಾಕೆವಾಕ್ ಸಮಾಧಾನ್ ದಿವ್ನ್ ಧಾಡ್ಲೊಯ್
ಕಾಕುಳ್ತ್ ದಾಕಯ್ ತುಂ ಮ್ಹಾಕಾ.