ರಾಕ್ ತುಂ ಧನ್ಯಾ, ಪೋಸ್ ತುಂ ಸೊಮ್ಯಾ
ತುಜ್ಯಾ ಮಾಸಾನ್, ತುಜ್ಯಾ ರಗ್ತಾನ್
ಸಮರ್ಪುನ್ ದಿತಾಂವ್ ಆಮ್ಚೊ ಜೀವ್ ತುಕಾ
ಪೋಸ್ ತು ಸಾಸ್ಣಿಕ್ ಜಿವಿತಾಚಾ ಖಾಣಾನ್ ಆಮ್ಕಾಂ

1. ಸಂಸಾರಾಂತ್ಲಿಂ ಸೊಭಿತ್ ಫುಲಾಂ ಕಶಿಂ ಫುಲ್ತಾತ್
ಹಾಸುನ್ ತಿಂ ತುಜ್ಯಾ ವೊಡ್ತಾಂತ್ ಸದಾಂ ಖೆಳ್ತಾತ್
ಮೊನ್ಜಾತಿ ಮನ್ಶಾಂ ಪ್ರಾಸ್ ಚಡ್ ಊಂಚ್ ನ್ಹಯ್
ಜಾಲ್ಯಾರಿ ತಾಂಕಾಂ ತುಂ ಸದಾಂ ಪೊಸ್ತಾಯ್

2. ಪರ್ಜೆಕ್ ತುಜೆ ಎಜಿಪ್ತಾಂತ್ಲಿ ಪ್ರಿತಿನ್ ಸೊಡಯ್ಲಿಯ್
ಪರ್ಕಿ ಲೊಕಾಕ್ ಆಮ್ಕಾಂ ತುಜೆಂ ರಗತ್ ವಾರಯ್ಲೆಂಯ್
ಅರಣ್ಯಾಂತ್ ತಿಂ ಬೊಬ್ ಮಾರ್ತಾನಾ ತುಕಾ ಆಯ್ಕಲೆಂ
ಅಮೃತ್ ಸಾರ್ಕೆಂ ಜೆವಣ್ ತುಜೆಂ ತಾಂಕಾಂ ಮೆಚ್ವಲೆಂ

3. ಜುದೆವ್ ಲೊಕಾಕ್ ಉಂಡ್ಯಾ ಮಾಸ್ಳೆನ್ ತುವೆಂ ವಾಡ್ಲೆಂಯ್
ಆಜ್ ತುಂ ಆಮ್ಕಾಂ ತುಜೆಂಚ್ ಮಾಸ್ ರಗತ್ ದಿತಾಯ್
ಆಶ್ರಯ್ ತುಜೊ ದಿ ಆಮ್ಕಾಂ ಸದಾಂ ಸರ್ವದಾಂ
ನಿರಾಶ್ರಿತ್ ಭುಗ್ರ್ಯಾಂಕ್ ತುಜ್ಯಾ ಸೊಡ್ನ್ ಘಾಲಿನಾಕಾ