1. ರಾಕೊನ್ ಆಸಾಯ್ ಮ್ಹಜ್ಯಾ ಕಾಳ್ಜಾ ದಾರಾರ್
ಭಿತರ್ ಯೆಂವ್ಕ್ ಆಶೆತಾಯ್
ಮೊಗಾನ್ ತುಜ್ಯಾ ಮ್ಹಜೆಂ ಕಾಳಿಜ್ ಭರುಂಕ್
ಸೊಮ್ಯಾ ತುಂ ಲಾಲೆತಾಯ್

ಯೆ ಜೆಜು ಮ್ಹಜೆ ಥಂಯ್ ಯೆ,
ಶಾಂತಿ ತುಜಿ ಹಾಡುನ್ ಯೆ
ಯೆ ಜೆಜು ಮ್ಹಜೆ ಥಂಯ್ ಯೆ,
ಕುರ್ಪಾ ದೆಣಿಂ ಘೆವುನ್ ಯೆ

2. ಫಾವೊ ನಾ ಮ್ಹಾಕಾ ತರಿ ಸೊಮ್ಯಾ ಯೆತಾಯ್
ಕಾಳ್ಜಾಂತ್ ಮ್ಹಜ್ಯಾ ರಾವ್ತಾಯ್
ಕಾಕುಳ್ತ್ ತುಜಿ ಮ್ಹಜೆರ್ ಭರ್ಪೂರ್ ವೊತುನ್
ಮ್ಹಾಕಾ ತುಂ ಸಾಂಬಾಳ್ತಾಯ್

3. ಕಾಳ್ಜಾಂತ್ ಮ್ಹಜ್ಯಾ ಸೊಮ್ಯಾ ಚಲಯ್ ರಾಜ್ವಟ್
ಸಾಸ್ಣಿಕ್ ಜಿವಿತಾಚೆಂ
ಜೀವನ್ ಮ್ಹಜೆಂ ಸಗ್ಳೆಂ ಸುಫಳ್ ಕರುನ್
ಲಾಭಯ್ ಸುಖ್ ಸರ್ಗಿಂಚೆಂ

4. ತುಜೆ ಸವೆಂ ಹಾಂವೆಂ ಜಿಯೆಂವ್ಚೆಂ ತೆಂ
ಭಾಗ್ ವ್ಹಡ್ ಆನಂದಾಚೆಂ
ಭಡ್ವ್ಯಾ ಸಂಗಿಂ ತುಜ್ಯಾ ಮೊಗಾನ್ ಗಾಯ್ತಾಂ
ಗೀತ್ ಹೆಂ ಸಂತೊಸಾಚೆಂ