1. ರಡುಂಕ್ ಮೆಳ್ಯಾಂ ಆಮಿ ಸಮೆಸ್ತ್, ಅಬ್ಳೆ ಮರಿ ಆಮ್ಕಾಂ’ಪಯ್ತಾ
ಯೆವ್ನ್ ರಡ್ಯಾಂ ತಿಚ್ಯಾ ಸಾಂಗಾತಾ, ಜೆಜು ಮೋಗ್ ಖುರ್ಸಾರ್ ಉಮ್ಕಳ್ತಾ

2. ನಾಂತ್‍ಗಿ ತುಮ್ಚೆಕಡೆ ದುಖಾಂ? ದುಸ್ಮಾನ್ ಜೆದ್ವಾಂ ನಿಂದಾ ಕರ್ತಾ
ಕಿತ್ಲೊ ಸೊಸ್ಣಿಕ್ ಕಶ್ಟಾಂತ್, ದಗ್ಧಾಂತ್, ಜೆಜು ಮೋಗ್ ಖುರ್ಸಾರ್ ಉಮ್ಕಳ್ತಾ

3. ಸಾತ್ ತಾಚಿಂ ಉತ್ರಾಂ ಮೊಗಾಚಿ, ಹೆರ್ ವೇಳ್ ಒಗೊಚ್ ಮಾಗ್ಣೆಂ ಕರ್ತಾ
ಕಾಕುಳ್ತ್ ಕರ್ ಮ್ಹಣುನ್ ಮನ್ಶಾಂಚಿ, ಜೆಜು ಮೋಗ್ ಖುರ್ಸಾರ್ ಉಮ್ಕಾಳ್ತಾ

4. ದೊಳ್ಯಾಂಕ್ ಧಾಂಪಣ್ ಪಡೊನ್ ಯೆತಾ, ಮಾಯೆಚೆರ್ ದಿಷ್ಟ್ ವ್ಹರುಂಕ್ ಸೊಧ್ತಾ
ಘಡಿ ಪಾವ್ತಚ್, ಮಸ್ತಕ್ ಬಾಗಾವ್ನ್, ಜೆಜು ಮೋಗ್ ಖುರ್ಸಾರ್ ಉಮ್ಕಾಳ್ತಾ

5. ರಾವುನ್ ಮೊಗಾನ್ ಖುರ್ಸಾಮುಳಿಂ, ರಗತ್ ಕುಶಿಂತ್ಲೆಂ ಜೆಂ ವ್ಹಾಂವ್ತಾ
ಥೆಂಬೊ ಥೆಂಬೊಚ್ ಆಮ್ಚೆರ್ ಘೆವ್ಯಾಂ, ಜೆಜು ಮೋಗ್ ಖುರ್ಸಾರ್ ಉಮ್ಕಾಳ್ತಾ

6. ಹೆಣೆಂ ಪಾತಕ್, ತೆಣೆಂ ದೇವ್ ಮೋಗ್, ಹಾಂಕಾ ಕಠಿಣ್ ಹೆಂ ಝುಜ್ ಜಾತಾ
ಪುಣ್ ಮೋಗ್ ಪಾತ್ಕಾರ್ ಜಯ್ತೆವಂತ್ ಜಾವ್ನ್, ಜೆಜು ಮೋಗ್ ಖುರ್ಸಾರ್ ಉಮ್ಕಳ್ತಾ