ಯೆಯಾ ತರ್ ಆಂಜಾಂನೊ: ಯೆಯಾ, ಏ ಭಡ್ವ್ಯಾಂನೊ
ಗಾಯನ್ ಕರ್ಯಾಂ ಮರಿಯೆಕ್ ಆಮ್ಚೆ ರಾಣಿಯೆಕ್
ಪಾಪಾವಿಣ್ ಜಲ್ಮಲ್ಲೆಕ್, ಸರ್ವ್ ಕುರ್ಪೆನ್ ಭರ್ಲಲೆಕ್
ದೆವಾಚೆ ಭೋವ್ ಸುಂದರ್ ಆಂಕ್ವಾರ್ ಮಾಯೆಕ್

ವಾಟ್ ತಿ ಕುರ್ಪೆಚಿ, ಆವಯ್ ಮೊಗಾಚಿ
ಮೂಳ್ ಸರ್ವ್ ಭಾಗಾಚೆಂ, ವೊಡ್ತ್ ಸಂತೊಸಾಚೆಂ
ದೆವಾನ್ ಬಿಡಾರ್ ಕೆಲ್ಲೆಂ, ಕಾಳಿಜ್ ತಿಚೆಂ

ರಾಣಿ ಸಾಂತ್ ಭಕ್ತಾಂಚಿ, ಮಾಯ್ ಮೊಗಾಳ್ ಪಾಪಿಯಾಂಚಿ
ವಿಚಿತ್ರ್ ಧೊಣು ಆಮ್ಚ್ಯಾ ಭರ್ವಸ್ಯಾಚೆಂ
ಒಪ್ತಾಂವ್ ಪಾತ್ಕಿ ಆಮಿ, ಪುಣಿ ಭುರ್ಗಿಂ ತುಜಿಂ
ದಾಕಯ್ ತರ್ ಆಮ್ಚೆ ಥಂಯ್, ಮನ್ ಆವಯ್ಚೆಂ.