ಮ್ಹಜ್ಯಾ ದೆವಾ, ತುಂ ಸರ್ವ್ ಬರೊ
ರಚ್ನಾರ್ ಮ್ಹಜೊ ಧನಿ ಖರೊ
ಸಗ್ಳ್ಯಾ ಕಾಳ್ಜಾನ್ ಮೋಗ್ ತುಜೊ
ಹಾಂವೆಂ ಸದಾಂಚ್ ಕರುಂಕ್ ಫಾವೊ

ಮೊಗಾಕ್ ದೆವಾ ತುಜ್ಯಾ ಲಾಗ್ತಾಂ, ಕಾಳಿಜ್ ಮ್ಹಜೆಂ ತುಕಾ ದಿತಾಂ

ಕಿತ್ಲೊ ಮೋಗ್ ಮ್ಹಜೊ ಕೆಲಾಯ್
ಮ್ಹಾಕಾ ರಚ್ಲೊಯ್, ಮ್ಹಾಕಾ ಪೊಸ್ಲೊಯ್
ಹರೇಕ್ ಮ್ಹಜೊ ಅಪ್ರಾಧ್ ಸೊಸ್ಲೊಯ್
ಯಮ್ಕೊಂಡಾಂತ್ಲೊ ಎದೊಳ್ ರಾಕ್ಲೊಯ್

ತುಜ್ಯಾ ರಗ್ತಾನ್, ತುಜ್ಯಾ ಮಾಸಾನ್
ಮ್ಹಾಕಾ ಪೊಸ್ಲಾಯ್ ವ್ಹಡಾ ಮೊಗಾನ್
ಮ್ಹಜೆ ಖಾತಿರ್ ಖುರ್ಸಾರ್ ಮೆಲೊಯ್
ಸರ್ಗಾ ದಾಯ್ಜಿ ಮ್ಹಾಕಾ ಕೆಲೊಯ್

ರಗ್ತಾ ಘಾಮ್! ಕೊಡ್ದ್ಯಾ ಮಾರ್!
ಕಾಂಟ್ಯಾ ಮುಕುಟ್! ಖುರ್ಸಾಭಾರ್!
ಉಗ್ತೆ ಘಾಯ್! ರಗ್ತಾಝರಿ!
ದೆಕ್ತಾಂ, ಜಾಯ್ನಾ ಅನುಪ್ಕಾರಿ

ಸಮೆಸ್ತ್ ಮನಿಸ್ ದೆವಾ ಭುರ್ಗಿಂ
ತುಜ್ಯಾ ಸಾಕ್ರ್ಯಾ ಸುರ್ಪಾಯೆಚಿಂ
ಮ್ಹಜೆ ಕೆದಿಂಚ್ ಸರ್ವಾಂಕ್ ದೆಕ್ತಾಂ
ರಾಗ್, ಮಸರ್, ಹಗೆಂ ಸೊಡ್ತಾಂ