ಮ್ಹಜೊ ಶಿಸ್ ಜಾಂವ್ಚ್ಯಾಕ್ ಖುಶಿ ವ್ಹರ್ತಾಯ್
ಘೆ ಖುರಿಸ್ ತುಜೊ, ಪಾಟ್ಲಾವ್ ಕರ್ ಮ್ಹಜೊ

1. ಆಸಾತ್ ಮಾಟಿಂ ಕೊಲ್ಯಾಂಕ್, ಘೊಂಟೆರ್ ಸುಕ್ಣ್ಯಾಂಕ್
ಪುಣ್ ನಾ ಮ್ಹಾಕಾ ಸುವಾತ್ ವಸ್ತಿ ಕರ್ಚ್ಯಾಕ್

2. ಕೊಣ್ ಆಪ್ಲೊ ಜೀವ್ ಆಶೆತಾ, ನೋಜ್ ಜಾವ್ನ್ ಸಾಂಡ್ತಾ
ಆಪ್ಲ್ಯಾ ತ್ಯಾಗಾ ವರ್ವಿಂ ಸಗ್ಳೆಂ ಜಿಕ್ತಾ

3. ಕಶ್ಟಲ್ಯಾಂನೊ ಯೆಯಾ ಸರ್ಶಿಂ ಮ್ಹಜ್ಯಾ
ಜೂಂವ್ ಮ್ಹಜೆಂ ಘೆವ್ನ್ ತುಮಿ ವಿಶೆವ್ ಘೆಯಾ

4. ಜೊ ಕೊಣ್ ಜೊತ್ ಘೆವ್ನ್ ಆಪ್ಲೆಂ, ಪಾಟಿಂ ದೆಕ್ತಾ
ಕರುಂಕ್ ಕಾಂಯ್ ಸಕ್ಚೊನಾ ರಾಜ್ಯಾಂತ್ ಮ್ಹಜ್ಯಾ

5. ಚಾಕೊರ್ ಆಪ್ಲ್ಯಾ ಧನ್ಯಾ ಪ್ರಾಸ್ ಉಣೊ ತೊ ನೀಜ್
ಸಂಸಾರ್ ಉಳ್ಟೊ ಮ್ಹಜೆರ್, ತುಮ್ಕಾಂಯ್ ದ್ವೇಶಿತ್

6. ಘೆನಾಕಾತ್ ಕಾಂಯ್ ಸಾಂಬಾಳ್, ಧನ್ ಯಾ ದಿರ್ವೆಂ
ಹಾಂವ್‍ಚ್ ತುಮ್ಚೆಂ ಇನಾಮ್ ಸಾಸ್ಣಾಕ್ ಬಾಳ್ಚೆಂ

7. ಕಮ್ರಾಂ ತುಮ್ಚಿಂ ಬಾಂಧಾ, ದಿವೆ ಘೆಯಾ
ಹೊರೆತ್ ಯೆಂವ್ಚೆ ವೆಳಿಂ ತಯಾರ್ ರಾವಾ

8. ಪಾಟ್ಲಾವ್ ಮ್ಹಜೊ ಕೆಲ್ಲಿಂ ತುಮಿ ಸಗ್ಳಿಂ
ಲುಂವ್ತಲ್ಯಾತ್ ವಯ್ರ್ ಸರ್ಗಿಂ ಶೆಂಭರಾಂನಿ.