1. ಮ್ಹಜೆಂ ಕಾಳಿಜ್ ತುಕಾ ಅತ್ರೆಗ್ತಾ
ಸ್ವಾದಿಕ್ ಯೆಣ್ಯಾಕ್ ತುಜ್ಯಾ ಆಶೆತಾ
ಜೆಜು ದಯೆನ್ ಯೆ ಕಾಳ್ಜಾಂತ್ ಮ್ಹಜ್ಯಾ
ಭರ್ ತುಂ ದೈವಿಕ್ ಕುರ್ಪೆನ್ ಆಜ್ ತುಜ್ಯಾ

ದುರ್ಬಳೆಂ ಸೊಮ್ಯಾ ಮ್ಹಜೆಂ ಬಿಡಾರ್
ದಯೆನ್ ಕರ್ ತೆಂ ತುಜೆಂ ರಾವ್ಳೆರ್‌
ತುಂಚ್ ಸೊಮ್ಯಾ ಸಾಸ್ಣಾಕ್ ಮ್ಹಜೊ ಆಧಾರ್
ಸಂಸಾರಾಂತ್ಲ್ಯಾ ಹ್ಯಾ ಮ್ಹಜ್ಯಾ ಪಯ್ಣಾರ್

2. ಜಿಣಿಯೆ ತಾರ್ವಾರ್ ಪಯಣ್ ಕರ್ತಾನಾ
ವಾರ್ಯಾ ವಾದಳಾಂತ್ ಸಾಂಪಡ್ತಾನಾ
ಹಾತ್ ಧರ್ ಮ್ಹಜೊ ಆಸುನ್ ತುಂ ಬಗ್ಲೆಕ್
ಪಾವಯ್ ಶಾಬಿತ್ ಸರ್ಗಿಂಚ್ಯಾ ಬಂದ್ರಾಕ್

3. ಬರ್ಯಾ ಗೊವ್ಳಾ ತುಂ ಮ್ಹಾಕಾ ಸಾಂಬಾಳ್
ಪಾಚ್ವೊ ಚರೊವ್ ದಿ ಮ್ಹಾಕಾ ಸದಾಂ
ಹಿಂಡಾಂತ್‌ಚ್ ತುಜ್ಯಾ ಸದಾಂ ದವರ್
ದುಸ್ಮಾನಾಂ ಥಾವ್ನ್ ಸರ್ವಯ್ ಕಾಳ್ ನಿವಾರ್