ಮಹಾನ್ ತುಜಿ ಕೀರ್ತ್, ಅಪಾರ್ ತೊ ವೈಭವ್
ಸೊಮ್ಯಾ, ಸರ್ಗಾ’ನಿ ಸಂಸಾರಿಂ (2)
ವ್ಹಡ್ ತುಜಿ ಮಹಿಮಾ, ವರ್ತೊ ತೊ ಅನಂದ್
ಧನ್ಯಾ, ಅಂತ್ರಾಳಿಂ, ಪಾತಾಳಿಂ (2)

ಮ್ಹಾಕಾ ತುವೆಂ ರಚ್ಲೆಂಯ್
ಕುರ್ಪೆನ್ ನೆಟಯ್ಲೆಂಯ್
ತುಜೆಂ ಬಾಳ್ ಜಾವುನ್ ಸೊಭಯ್ಲೆಂಯ್ (2)
ಮ್ಹಾಕಾ ತುವೆಂ ವಿಂಚ್ಲೆಂಯ್
ಇಷ್ಟ್ ಮ್ಹಣ್ ಆಪಯ್ಲೆಂಯ್
ತುಜ್ಯಾ ಮಿಸಾಂವಾನ್ ಪಾಟಯ್ಲೆಂಯ್ (2)

ಗಾಯ್ತಾಂ ಸದಾಂ ಹಾಂವ್ ಪವಿತ್ರ್ ತುಜೆಂ ನಾಂವ್
ಮಾಗ್ತಾಂ ತುಜೆಂ ದೈವಿಕ್ ಬೆಸಾಂವ್

ಉಬ್ರಾಂತ್ ಥಾವುನ್ ವಿಂಚ್ಲೆಂಯ್
ನಿತಳ್ ಮ್ಹಾಕಾ ಕೆಲೆಂಯ್
ಪಾತ್ಕ್ಯಾಕ್ ಮ್ಹಾಕಾ ತುವೆಂ ಭೊಗ್ಶಿಲೆಂಯ್ (2)
ಬಾಳ್ಕಾಕ್ ಮ್ಹಾಕಾ ಘೆತ್ಲೆಂಯ್
ಸಾಳ್ಕಾಶೆಂ ಫುಲಯ್ಲೆಂಯ್
ದಯೆನ್ ತುಜ್ಯಾ ಊಂಚ್ ಉಬಾರ್ಲೆಂಯ್ (2)