1. ಜಿಣಿಯೆಚ್ಯಾ ಪಯ್ಣಾರ್ ಆಸ್ತಾಂ
ನಿರಾಶಾ ಭೊಗ್ತಾನಾ
ಮರಿಯೆಕ್ ಭರ್ವಶ್ಯಾನ್ ಉಲೊ ಮಾರ್ಯಾಂ
ತಿಚೊ ಆಧಾರ್ ಮಾಗ್ಯಾಂ

ಏ ಮರಿಯೆ ಯೆ ತುಂ ಆಮ್ಚ್ಯೆ ಸಂಗಿಂ
ವಾಟ್ ದಾಕಯ್ ಆಮ್ಕಾಂ ಸರ್ಗಿಂ
ಜೆಜು ಸರ್ಶಿನ್ ಆಮ್ಕಾಂ ಪಾವಯ್
ತಾಚಿ ಖುಶಿ ಶಿಕಯ್

2. ಜೆಜುಚ್ಯಾ ಖುರ್ಸಾ ಮುಳಿಂ
ಮರಿ ಉಬಿ ರಾವ್ಲಿ
ಆಮ್ಚ್ಯೆ ಜಿಣಿಯೆಚ್ಯಾ ಸರ್ವ್ ಕಷ್ಟ್ ನಷ್ಟಾಂತ್
ಆಮ್ಕಾಂಯ್ ದಿತಾ ಮಜತ್

3. ಮರಿಯೆ ದರ್ಯಾಚ್ಯಾ ಸುಕ್ರಾ
ಪಯ್ಣಾರ್ಯಾಂಕ್ ಪಾವ್ ಆಮ್ಕಾಂ
ಜಿಣಿಯೆ ವಾದಳಾಂತ್ಲಿಂ ಆಮ್ಕಾಂ ರಾಕ್
ಮಾಗ್ಣಿಂ ಆಮ್ಚಿಂ ತುಂ ಆಯ್ಕ್

4. ಜಿಣಿಯೆಚ್ಯಾ ಜೆವ್ಣಾರ್ ಆಸ್ತಾಂ
ವಾಯ್ನ್ ಉಣೊ ಪಡ್ತಾನಾ
ಪುತಾ ಲಾಗಿಂ ತುಂ ವಿನತಿ ಕರ್‌
ಆಮ್ಕಾಂ ಕುರ್ಪೆವಂತ್ ಕರ್