ಕೊಲ್ಕತ್ತಾಚ್ಯಾ ಭಾಗೆವಂತ್ ಮದರ್ ತೆರೆಜಾ
ದುಬ್ಳ್ಯಾ ದಾಕ್ಟ್ಯಾ ಬಾಂವ್ಡಾಂಚ್ಯಾ ಬಳ್ವಂತ್ ಭರ್ವಶ್ಯಾ
ಪೆಟಯ್ ಆಮ್ಚಿಂ ಕಾಳ್ಜಾಂ ಮೊಗಾನ್ ಜೆಜುಚ್ಯಾ
ಶಿಕಯ್ ಆಮ್ಕಾಂ ಜಿಯೆಂವ್ಕ್ ಸೆವೆಂತ್ ಪೆಲ್ಯಾಚ್ಯಾ

ಮಾಂಯ್ ಗಾಂವ್ ತುಜೊ ಸಾಂಡುನ್ ಭಾರತಾಕ್ ಆಯ್ಲಿಯ್
ಸೆವೆ ಮುಕಾಂತ್ರ್ ಕ್ರಿಸ್ತಾಕ್ ತುವೆಂ ಸಾಕ್ಸ್ ದಿಲಿಯ್
ಲ್ಹಾನಾಂತ್ಲ್ಯಾ ಲ್ಹಾನಾಂ ಥಂಯ್ ಜೆಜುಕ್ ವಳ್ಕಲಿಯ್
ಮಾಗ್ಣ್ಯಾನ್ ದೆಕಿನ್ ತುಜ್ಯಾ ಸರ್ವಾಂಕ್ ಮೆಚ್ವಲಿಯ್
ತುಜೆ ಪರಿಂ ಜೆಜುಚೊ ಆಮಿ ಮೋಗ್ ಕರುಂಕ್
ಜೊಡ್ನ್ ದಿ ಆಮ್ಕಾಂ ಪುರ್ಪಾ ಧಯ್ರ್ ತುಜಿ ದೇಕ್ ಘೆವುಂಕ್

ಆಮ್ಚ್ಯಾ ಪರಿಸರಾಂತ್ ಕ್ರಿಸ್ತಾಕ್ ಪರ್ಗಟುಂಕ್
ಉರ್ಭೆನ್ ಆಮ್ಕಾಂ ತುಂ ಭರ್ ದೀವ್ನ್ ತುಜಿ ಕುಮಕ್
ಹರೇಕ್ ಮನ್ಶಾ ಜಿವಾಕ್ ಗೌರವ್ ಆಮಿ ದಿಂವ್ಕ್
ಉದಾರ್ ಆಮ್ಕಾಂ ತುಂ ಕರ್ ಸುವಾರ್ತಾ ಗಾಜೊಂವ್ಕ್
ತುಜೆ ಪರಿಂ ಜೆಜುಚೊ ಆಮಿ ಮೋಗ್ ಕರುಂಕ್
ಜೋಡ್ನ್ ದಿ ಆಮ್ಕಾಂ ಕುರ್ಪಾ ಧಯ್ರ್ ತುಜಿ ದೇಕ್ ಘೆವುಂಕ್