ಭಡ್ವ್ಯಾ ಸಂಗಿಂ ಕರ್ಯಾಂ ನಮಾನ್
ಮಾಯ್ ತಿ ಆಮ್ಚ್ಯಾ ತಾರಕಾಚಿ
ಲಾಗಿಂ ಸರ್ಯಾಂ ತಿಚ್ಯಾ ಮೊಗಾನ್
ವಾಟ್ ತಿ ಆಮ್ಕಾಂ ಭರ್ವಶ್ಯಾಚಿ

ಕೆದೆಂ ವರ್ತೆಂ ಭಾಗ್ ಮರಿಯೆಚೆಂ
ಪ್ರಸುತ್ ಜಾಂವ್ಚೆಂ ಆಪ್ಲ್ಯಾ ದೆವಾಕ್
ಆವಯ್ ತರಿ ಆಂಕ್ವಾರ್ ರಾಂವ್ಚೆಂ
ಸರ್ವ್ ಭೆಸಾಂಚ್ಯಾಂಕ್ ದೇಖ್ ಜಾವ್ನ್ ಸೊಭ್ಚ್ಯಾಕ್

ಪಂಲ್ಗಣ್ ಆತ್ಮಿಕ್ ಸುಗಂಧಾಚೆ
ಮೊಡ್ ತೆಂ ರಾಯಾಕ್ ಪೃಥ್ವೆಕ್ ಹಾಡ್ಚೆಂ
ದೈವಿಕ್ ಫಳ್ ದಿಂವ್ಚೆಂ ವಿಚಿತ್ರ್ ಝಾಡ್ ತೆಂ
ಪಾತಕ್ ಭಸ್ಮುಂಕ್ ಜಳ್ಚೆಂ ಆಗ್ಟೆಂ

ಗುಲೊಬ್ ಸೊಭಿತ್ ಕಾಂಟ್ಯಾ ಮಧ್ಲೊ
ಶೀತಳ್ ಚಂದ್ರ್, ಸ್ವಾದಿಕ್ ಆಮೃತ್
ಕಳಂಕ್ ತಿಚೆಥಂಯ್ ನಾ ಕಸ್ಲೊ
ರಚ್ನಾಂ ಭಿತರ್ ವಿಂಚ್ನಾರ್ ಉನ್ನತ್