ಬೆತ್ಲೆಮಾ ಶ್ಹರಾಂತ್, ಗೊರ್ವಾಂಚ್ಯಾ ಗೊಟ್ಯಾಂತ್
ಜಲ್ಮಲಾ ಆಜ್ ಆಮ್ಚೊ ಸೊಡ್ವೊಣ್ದಾರ್
ಮರಿಯೆಚೆ ದ್ವಾರಿಂ ಆಯ್ಲೊ ಸಂಸಾರಿಂ
ರಾಯಾಂಚೊ ರಾಯ್, ಕರ್ಯಾಂ ನಮಸ್ಕಾರ್

ನಮಾನ್ ನಮಾನ್ ಬಾಳೊಕಾಕ್, ಕರ್ಯಾಂ ಭಡ್ವ್ಯಾಂಚೆಂ ಗಾಯನ್
ನಮಾನ್ ನಮಾನ್ ತಾರಕಾಕ್, ಗಾವ್ಯಾಂ ಗಿತಾಂ ಉಲ್ಲಾಸಾನ್

ಸರ್ವೆಸ್ಪರ್ ದೆವಾನ್ ಆಮ್ಚೊ ಮೋಗ್ ಕೆಲೊ
ಆಪ್ಲ್ಯಾಚ್ ಪುತಾಕ್ ಸಂಸಾರಿಂ ಧಾಡ್ಲೊ
ಶಾಂತಿ ಸಮಾಧಾನ್ ಜೆಜು ಹಾಡ್ನ್ ಆಯ್ಲೊ
ಯೆಣ್ಯಾನ್ ತಾಚ್ಯಾ ಸಂಸಾರ್ ಪ್ರಕಾಸ್ಲೊ

ಸಂದೇಶ್ ಹೊ ತಾಚೊ ಸಗ್ಳ್ಯಾನ್ ಪಾಚಾರ್ಯಾಂ
ಎಕಾಮೆಕಾ ಥಂಯ್ ಮಯ್ಪಾಸಾನ್ ಚಲ್ಯಾಂ
ಹಿ ಬರಿ ಖಬರ್ ಹೆರಾಂಕ್ ಕಳೊವ್ಯಾಂ
ಜೆಜು ಬಾಳ್ಕಾಕ್ ಆಮಿ ವಂದನ್ ಕರುಯಾಂ