1. ಬೆತ್ಲೆಮಾ ಶೆರಾಂತ್ ಜೆಜು ರಾಯ್ ಆಜ್ ಜಲ್ಮಲಾ
ನಿಳ್ಶ್ಯಾ ಗಗನಾರ್ ತಾಚೆಂ ನೆಕೆತ್ರ್ ಪರ್ಜಳ್ಳಾಂ
ಆಂಕ್ವಾರ್ ಮರಿಯೆನ್ ಆಪ್ಲೊ ಪೂತ್ ಆಮ್ಕಾಂ ದಿಲಾ
ಸರ್ಗಿಂ ಬಾಪಾನ್ ಆಪ್ಲೆಂ ದರ್ಶನ್ ಆಮ್ಕಾಂ ಲಾಭಯ್ಲಾಂ

ಸಂತೊಸಾನ್ ಉಲ್ಲಾಸಾನ್
ಸ್ವಾಗತ್ ಕರ್ಯಾ೦ ಜೆಜುಕ್ ಭೊವ್ ಮಾನಾನ್
ಮಯ್ಪಾಸಾನ್ ಎಕ್ವಟಾನ್
ಭಕ್ತಿನ್ ಕರ್ಯಾಂ ಸೊಮ್ಯಾಕ್ ಆರಾಧನ್

2. ಚಲ್ಯಾಂ’ಮಿ ದೆಖ್ಚ್ಯಾಕ್ ಜೆಜುಕ್ ಆಮ್ಚ್ಯಾ ತಾರಕಾಕ್
ಮನ್ಶಾ ಬಾಳ್ ಜಾಲ್ಲ್ಯಾ ಖರ್ಯಾ ದೇವ್‌ಪುತಾಕ್
ಧುಂಪ್ ಮೀರ್ ಭಾಂಗಾರ್ ದಿವ್ಯಾಂ’ಮಿ ದೈವಿಕ್ ಬಾಳಕಾಕ್
ಆಮ್ಕಾಂಚ್ ಭಟೊವ್ಯಾಂ’ಮಿ ಆಮ್ಚ್ಯಾ ಸೊಮ್ಯಾ ದೆವಾಕ್