ಬಾಳ್ ಜಲ್ಮಲಾ, ಸಂತೊಸ್ ಫಾಂಕ್ಲಾ
ಸ್ವಾಗತಿಯಾಂ ರಾಯಾಕ್
ಹರೇಕ್ ಕಾಳಿಜ್ ಜಾಂವ್ದಿ ತಯಾರ್
ಹರ್ಸುಂಕ್ ಜೆಜು ಬಾಳ್ಕಾಕ್ (2)
ಹರ್ಸುಂಕ್, ಹರ್ಸುಂಕ್ ಜೆಜು ಬಾಳ್ಕಾಕ್

ಬಾಳ್ ಜಲ್ಮಲಾ, ರಾಯ್ ಜಲ್ಮಲಾ,
ಸರ್ವಾಂಕ್ ಉಲ್ಲಾಸ್ ಹಾಡ್ಲಾ
ಗೊಟೊ ಜಾಲಾ ರಾವ್ಳೆರ್ ತಾಚೆಂ
ಖಾವ್ಣೆಂತ್ ತೊ ನಿದಲಾ (2)
ಖಾವ್ಣೆಂತ್, ಖಾವ್ಣೆಂತ್ ತೊ ನಿದಲಾ

ಸಂಸಾರ್ ಸಗ್ಳೊ ಸಾಂಬಾಳ್ನ್ ವ್ಹರ್ತಾ
ಆಪ್ಲ್ಯಾ ಎಕಾ ಹಾತಾನ್
ಅಸ್ಕತ್ಕಾಯ್ ತರಿ ತೊ ಪಾಂಗುರ್ತಾ
ಕರ್ಯಾಂ ತಾಕಾ ನಮಾನ್ (2)
ಕರ್ಯಾಂ ಕರ್ಯಾಂ ತಾಕಾ ನಮಾನ್