1. ಫಾಂತ್ಯಾ ಪಾರಾಪ್ ಉಠೊನ್, ಮಾಗ್ದಲೆನ್, ಮರಿ, ಸಾಲೊಮೆನ್
ಗೆಲ್ಯೊ ಪರ್ಮಳ್ ಘೆವುನ್, ಆಲ್ಲೆಲೂಯಾ

2. ಸುರ್ಯೊ ಉದೆಂವ್ಚ್ಯಾ ವೆಳಾ, ಏಕ್ ಭುಕಾಂಪ್ ವೊವ್‍ಲಾ
ಸಂಸಾರ್ ಬುನ್ಯಾದಿ ಥಾವ್ನ್ ಹಾಲ್ಲಾ, ಆಲ್ಲೆಲೂಯಾ

3. ಸೊಲ್ದಾದ್ ಸಗ್ಳೆ ಥೊರ್ ಕಾಂಪ್ಲೆ, ಹೆವ್ಶಿಂ ತೆವ್ಶಿಂ ಪಳೆಂವ್ಕ್ ಲಾಗ್ಲೆ
ಧರ್ಣಿರ್ ಅಪ್ಟೊನ್ ಶೆವ್ಟೊನ್ ಪಡ್ಲೆ, ಆಲ್ಲೆಲೂಯಾ

4. ಸರ್ಗಾರ್ ಏಕ್ ಉಜ್ವಾಡ್ ಫಾಂಕ್ಲಾ, ಏಕ್ ದೇವ್‍ದೂತ್ ದೆಂವ್ಲಾ
ಸಾಮ್ಕೊಚ್ ಸೆಪುಲ್ಕ್ರಾಂತ್ ರಿಗ್ಲಾ, ಆಲ್ಲೆಲೂಯಾ

5. ಸೆಪುಲ್ಕ್ರಾರ್ ಘಾಲ್ನ್ ಫಾತರ್, ತಾಚೆರ್ ಕೆಲ್ಲಿ ಪಿಲಾತಾನ್ ಮ್ಹೊರ್
ಭಡ್ವ್ಯಾನ್ ಉಘಡ್ಲಿ ಖಿಣಾ ಭಿತರ್, ಆಲ್ಲೆಲೂಯಾ

6. ಜೆಜು ತಾರಕ್ ಸತೆವಂತ್, ಲಿಂಬಾಂತ್ ಥಾವ್ನ್ ಯೆವ್ನ್ ಸೆಪುಲ್ಕ್ರಾಂತ್
ಮರ್ಣಾಂತ್ಲೊ ಉಠ್ಲೊ ಜಯ್ತೆವಂತ್, ಆಲ್ಲೆಲೂಯಾ

7. ಲಾಗಿಂ ಪಾವ್ತಚ್ ಮಾಗ್ದಲೆನ್ ಮರಿ, ಭಡ್ವ್ಯಾಕ್ ಚೊವ್ನ್ ಸೆಪುಲ್ಕ್ರಾರಿ
ಭಿಯಾನ್ ಕಾಂಪ್ಲಿ ಥರಾಥರಿಂ, ಆಲ್ಲೆಲೂಯಾ

8. ಭಡ್ವ್ಯಾನ್ ಸ್ತ್ರೀಯಾಂಕ್ ದೆಕೂನ್, ಸಾಂಗ್ಲೆಂ ತಾಂಕಾಂ ಬೊಲುನ್:
ಹಾಂಗಾ ನಾ, ಗೆಲೊ ಜಿವಂತ್ ಜಾವ್ನ್, ಆಲ್ಲೆಲೂಯಾ

9. ಪಾಟಿಂ ಪರ್ತೊನ್ ಯೆತಾ ಮರಿ, ವಾಟೆರ್ ಮೆಳ್ಳೊ ಏಕ್ ಮಾಲಿ
ತಾಚೆ ಲಾಗಿಂ ಉಲೊಂವ್ಕ್ ರಾವ್ಲಿ, ಆಲ್ಲೆಲೂಯಾ

10. ವೊಡ್ತಾಂತ್ಲ್ಯಾ ಮಾಲಿ ಪುನೆವಂತಾ, ಪಾವ್ ತುಂ ಮ್ಹಜ್ಯಾ ವ್ಹಡ್ ಆಕಾಂತಾ
ಖಂಯ್ ಘಾಲಾ ಸಾಂಗ್ ಜೆಜುಕ್, ಭಾಗೆವಂತಾ, ಆಲ್ಲೆಲೂಯಾ

11. ಮಾಲಿನ್ ಪರತ್ ಜಾಪ್ ದಿಲಿ, ಮರಿಯೆ ಮ್ಹಣುನ್ ಉಲೊ ಕೆಲಿ
ಹೊ ಮಾಲಿ ನ್ಹಯ್ ಬಗಾರ್ ಮ್ಹಜೊ ಮೆಸ್ತ್ರಿ, ಆಲ್ಲೆಲೂಯಾ

12. ಮರಿ ಜೆಜುಕ್ ಒಳ್ಕಲಿ, ಸಗ್ಳಿಚ್ ಪಿಸಾಂತುರ್ ಜಾಲಿ
ರಾಬ್ಬಿ, ರಾಬ್ಬಿ, ಮ್ಹಣ್ ಪಾಂಯಾರ್ ಪಡ್ಲಿ, ಆಲ್ಲೆಲೂಯಾ

13. ಪಾಂಯಾರ್ ಮ್ಹಜ್ಯಾ ಪಡನಾಕಾ, ಆಂಗಾಕ್ ಮ್ಹಜ್ಯಾ ಆಪಡ್ನಾಕಾ
ಮೆಳ್ಚ್ಯಾ’ದಿಂ ಭೆಟ್ ಬಾಪಾಚಿ ಮ್ಹಾಕಾ, ಆಲ್ಲೆಲೂಯಾ

14. ಆತಾಂ ತುಮಿ ಪಾಟಿಂ ಜಾಯಾ, ಶಿಸಾ ಪೆದ್ರುಕ್ ಖಬರ್ ದಿಯಾ
ಭೆಟುಂಕ್ ಮ್ಹಾಕಾ ಶ್ಹರಾಂತ್ ಗಾಲಿಲೆಯಾ, ಆಲ್ಲೆಲೂಯಾ

15. ಮರಿಯೊ ಪರ್ತುನ್ ಪಾಟಿಂ ಗೆಲ್ಯೊ, ಹಿ ಖಬರ್ ಪರ್ಗಟುಂಕ್ ಲಾಗ್ಲ್ಯೊ
ಆಪೊಸ್ತಲ್ ಮ್ಹಣ್ತಾಲೆ ಬಾಯ್ಲಾಂಚ್ಯೊ ಕಾಣಿಯೊ, ಆಲ್ಲೆಲೂಯಾ

16. ಕಾಣಿಯೊ ನ್ಹಯ್ ಬಗರ್ ಭಡ್ವ್ಯಾಕ್ ಚೊಯ್ಲೆ, ನೀಜ್ ಆಮ್ಚೆಲಾಗಿಂ ಉಲಯ್ಲೆ
ಉಣ್ಯಾ ಭಾವಾರ್ಥಾಚೆ ತುಮಿ ದಾದ್ಲೆ, ಆಲ್ಲೆಲೂಯಾ

17. ಭಡ್ವ್ಯಾಚೆಂ ನಾಂವ್ ಆಯ್ಕನಾ ಫುಡೆ, ಜಾಂವ್ಕ್ ಪುರೊ ಮ್ಹಣುಂಕ್ ಲಾಗ್ಲೆ
ಸತ್‍ಗಿ ಫಟ್‍ಗಿ ಮ್ಹಣ್ ದುಭಾವ್ತಾಲೆ, ಆಲ್ಲೆಲೂಯಾ

18. ಪೆದ್ರು ಜುವಾಂವ್ ಉಠಾಂ ಉಠಿಂ, ಧಾಂವುನ್ ಗೆಲೆ ಸಟಾಸಟಿಂ
ಪೆದ್ರು ಪಡ್ಲೊ ಜುವಾಂವ್ ಪಾಟಿಂ, ಆಲ್ಲೆಲೂಯಾ

19. ಜುವಾಂವ್ ಪೆದ್ರುಕ್ ರಾಕುನ್ ರಾವ್ಲೊ, ಪೆದ್ರು ಭಿತರ್ ಪಯ್ಲೊ ರಿಗ್ಲೊ
ಸೆಪುಲ್ಕ್ರಾಂತ್ ಮೆಳ್ಳೊ ಏಕ್ ತುವಾಲೊ, ಆಲ್ಲೆಲೂಯಾ

20. ಸೆಪುಲ್ಕ್ರಾಕ್ ಘಾಲ್ನ್ ಆಟ್, ಪೆದ್ರು ಚಮ್ಕುನ್ ಯೆತಾ ವಾಟ್
ವಾಟೆರ್ ಜಾಲಿ ಜೆಜುಚಿ ಭೆಟ್, ಆಲ್ಲೆಲೂಯಾ, ಆಮೆನ್.