ಪ್ರಧಾನ ಸೇವಕಾ (ನವ್ಯಾ ಯಾಜಕಾ) ಸಂಗಿಂ ಮೆಳುನ್
ಅರ್ಗಾಂ ಬಲಿದಾನ್ ಹೆಂ ಭೆಟಯ್ತಾಂವ್
ಪ್ರೀತ್ ಮೋಗ್ ತುಜೊ ನಿಯಾಳುನ್ ಭಕ್ತಿನ್
ತಾಳೆ ಉಬಾರ್ನ್ ಗಾಯನಾಂ ಗಾತಾಂವ್

1. ತುಜ್ಯಾ ಪುತಾಕ್ ಸಂಸಾರಿಂ ಧಾಡ್ಲೊಯ್
ತಾಚ್ಯೆ ವರ್ವಿಂ ಆಮ್ಕಾಂ ಸೊಡಯ್ಲಾಂಯ್
ತಾಚೆಂ ಮಿಸಾಂವ್ ಮುಂದರುನ್ ವ್ಹರುಂಕ್
ಆಜ್ ತೆಲಾಯ್ತಾಯ್ ತುಂ ಆಮ್ಚ್ಯಾ ಭಾವಾಕ್ (ಭಾವಾಂಕ್)
ದೆಕುನ್ ಉಪ್ಕಾರ್ ತುಜೊ ಭಾವುಡ್ತಾಂವ್
ಮೊಗಾಂತ್ ತುಜ್ಯಾ ಥಿರ್ ಕರ್ ಮ್ಹಣ್ ಮಾಗ್ತಾಂವ್.

2. ತುಜ್ಯಾ ಪುತಾಚ್ಯಾ ಯಾಜಕ್ಪಣಾಂತ್
ಆಮ್ಕಾಂ ಆಪಯ್ಲಾಂಯ್ ಪವಿತ್ರ್ ಸ್ನಾನಾಂತ್
ತಾಂಚ್ಯಾ ಮಧ್ಲ್ಯಾ ಥೊಡ್ಯಾಂಕ್ ತುಂ ವಿಂಚ್ತಾಯ್
ಪವಿತ್ರ್ ಸಂಸ್ಕಾರ್‌ ಸಂಭ್ರಮುಂಕ್ ಮಾಖ್ತಾಯ್

3. ಉತರ್ ತುಜೆಂ ಸಗ್ಳ್ಯಾನ್ ಪರ್ಗಟುಂಕ್
ಆದೇಶ್ ದಿತಾಯ್ ತುಜ್ಯಾ ಸೆವಕಾಂಕ್
ಸಾಕ್ಸ್ ಜಾಂವ್ಕ್ ತುಜಿ ಆಖ್ಯಾ ಸಂಸಾರಾರ್
ವೊತ್ತಾಯ್ ತಾಂಚೆರ್ ಕುರ್ಪೆಚೊ ಶಿಂವರ್