ಪೆಟೊಂವ್ಕ್ ತುಮ್ಚಿಂ ಕಾಳ್ಜಾಂ ಪವಿತ್ರ್ ಮೊಗಾನ್
ದೆಂವ್ಲೊಂ ಸರ್ಗಿಂ ಥಾವ್ನ್ ಹಾಂವ್ ಹ್ಯಾ ಸಂಸಾರಿಂ
ಭರುಂಕ್ ಸಕ್ಕಡ್ ಕಾಳ್ಜಾಂ ಜಳ್ತ್ಯಾ ಉಜ್ಯಾನ್
ಉರ್ಭೆನ್ ಹಾಂವ್ ವಾವುರ್ತಾಂ ನಿತ್ಯೆ ಕಾಳಿಂ

ಏ ದೇವ್‍ಕಾಳ್ಜಾ, ತುಂ ಜಾ ಮ್ಹಜೊ ಉಲ್ಲಾಸ್!
ಸಗ್ಳ್ಯಾ ಕಾಳ್ಜಾನ್ ತುಕಾ ಹಾಂವ್ ವೇಂಗ್ ಮಾರ್ತಾಂ
ಕಾಳ್ಜಾಂತ್ ಮ್ಹಜ್ಯಾ ನಜೊ ತಡ್ವುಂಕ್ ಮಯ್ಪಾಸ್
ಸಾಸ್ಣಾ ಸಾಸ್ಣಾಕ್ ತುಜೊಚ್ ಜಾಂವ್ಕ್ ಅತ್ರೆಗ್ತಾಂ!

ಕಾಳಿಜ್ ಮ್ಹಜೆಂ ಜಳ್ತೆಂ ಜಾಲಾಂ ಆಗ್ಟೆಂ
ಪಳೆಂ, ತುಜೊ ಹಾಂವ್ ಮೋಗ್ ಕರ್ತಾಂ ಕಿತ್ಲೊ!
ತಾಂತುಂ, ಬಾಳಾ, ತುಂ ಕರ್ ಬಿಡಾರ್ ತುಜೆಂ!
ಕೆದಿಂಚ್ ಬಾಳಾ, ಭಾಯ್ರ್ ಸರ್ನಾಕಾ ತಾಂತ್ಲೊ!

ಭಾಲ್ಯಾನ್ ಉಗ್ತೆಂ ಕೆಲ್ಲ್ಯಾ ಮ್ಹಜ್ಯಾ ಕಾಳ್ಜಾಂತ್
ಶೆಳೆ ಅತ್ಮೆ ಪ್ರಿತಿನ್ ಮ್ಹಜೆ ಪೆಟ್ತಿತ್
ನಿರಾಶ್ ಅತ್ಮೆ ಜಾತಿತ್ ಥಿರ್ ಭರ್ವಶಾಂತ್
ಉರ್ಭೆಸ್ತ್ ಅತ್ಮೆ ಅಧಿಕ್ ಉರ್ಭೆನ್ ಭರ್ತಿತ್