ಪಾಪಿಯಾ ನಿರ್ಭಾಗ್ಯಾ, ಪಾಪ್ ನಾ ಸಾಂಡ್ಶಿ
ಸಾಸ್ಣಾಚ್ಯಾ ಸಾಸ್ಣಾ, ಪಾಪಿಯಾ, ಇಂಫೆರ್ನಾಂತ್ ವೆಶಿ

ಧನ್ ಆನಿ ದಿರ್ವೆಂ ತುಜೆಂ, ಹಾಂಗಾಚ್ ದವರ್ಶಿ
ತುಜ್ಯೊ ಕನ್ರ್ಯೊ ಘೆವ್ನ್, ಪಾಪಿಯಾ, ಝಡ್ತೆಕ್‍ರೆ ವೆಶಿ

ಹಾಂಗಾ ಪಾಪ್ ಧಾಂಪ್ಲ್ಯಾರ್, ಥಂಯ್ ಉಗ್ತೆಂ ಜಾಯ್ತ್
ದೆವಾಗೆಲೆಂ ಮಾಲ್ದಿಸಾಂವ್, ಪಾಪಿಯಾ, ತುಜೆರ್ ಭೆಜತ್

ಥಂಯ್ ತುಂ, ಪಾಪಿಯಾ, ಸಗ್ಳೊಚ್ ಕಾಂಪ್ಶಿ
ಉಪಾಯಾವಿಣ್, ಪಾಪಿಯಾ, ಖ್ಯಾಸ್ತಿಕ್ ಸಾಂಪಡ್ಶಿ

ಇಶ್ಟ್ ಆನಿ ಮಂತ್ರ್ ತುಜೆ, ತುಕಾಚ್ ಕಾಂಪ್ತಿತ್
ಕಾಳಾವ್ ಕರಿನಾಸ್ತಾನಾ, ತುಕಾ, ಫೊಂಡಾತ್‍ರೆ ಧಾಂಪ್ತಿತ್

ಥಂಯ್ ತುಜಿ, ಪಾಪಿಯಾ, ಜಾಯ್ತ್ ಧುಳ್ ಮಾತಿ
ಸುಖಾನ್ ವಾಡಯ್ಲಲಿ ಕೂಡ್, ಪಾಪಿಯಾ, ಕಿಡೆರೆ ಖಾತಿತ್

ದೆವಾಚೊ ಪೂತ್, ಪಾಪಿಯಾ, ಮನಿಸ್‍ರೆ ಜಾಲೊ
ತುಕಾ ಸೊಡೊಂವ್ಚ್ಯಾಕ್, ಪಾಪಿಯಾ, ಸಂಸಾರಾಂತ್ ಆಯ್ಲೊ

ದೆವಾನ್ ತುಕಾ ರಚಿಲೊ, ಸರ್ಗಿಂಚ್ಯಾ ಸುಖಾ
ಕಿತ್ಯಾಕ್ ವೆತಾಯ್, ಪಾಪಿಯಾ, ಯಮ್ಕೊಂಡಾಚ್ಯಾ ದುಖಾ

ಸೈತಾನ್ ಇಶ್ಟ್ ಜಾವ್ನ್, ಫಟಯ್ತಾ ತುಕಾ
ವ್ಹಡ್ ನಿಸ್ಕುಚಾರ್, ಪಾಪಿಯಾ, ಆಸಾರೆ ತುಕಾ

ತೊ ನ್ಹಯ್‍ರೆ ಇಶ್ಟ್, ಪಾಪಿಯಾ, ದುಸ್ಮಾನ್ ತುಜೊ
ಇಂಫೆರ್ನಾಂತ್ ವೆತಚ್, ಪಾಪಿಯಾ, ಗುಲಾಮ್ ತುಂ ತಾಚೊ

ಗುಲಾಮ್ ತುಂ ಜಾಲ್ಯಾರ್, ಆರ್ಕ್ ಜಾಯ್ತ್ ತುಕಾ
ಸರ್ಗ್ ಆನಿ ಸಂಸಾರ್, ಪಾಪಿಯಾ, ಭೊಗ್ಶಿತ್‍ರೆ ವೆಗಿಂ

ಸಾಂಡ್, ಪಾಪಿಯಾ, ಪಾಪ್ ತುಜೆಂ, ಮೊರ್ನಾಚ್ಯಾ ಆದಿಂ
ದೆವಾ ಗೆಲಿಂ ಕಾಕ್ಳುತ್, ಪಾಪಿಯಾ, ಭೊಗ್ಶಿತ್‍ರೆ ವೆಗಿಂ

ಕೆಲೆಲೆಂ ಪಾಪ್, ಪಾಪಿಯಾ, ಸಾಂಗುಂಕ್ ಲಜೊನಾಕಾ
ದೆವಾಚಿ ಮಾಯ್, ಪಾಪಿಯಾ, ಆಯ್ತಿ ರಾವ್ಲ್ಯಾ ತುಕಾ