ಪವಿತ್ರ್ ಜೆವಣ್ ಸರ್ಗಿಂಚೆಂ
ಜೆಜುನ್‍ಚ್ ಆಮ್ಕಾಂ ವಾಂಟ್ಚೆಂ
ಅತ್ರೆಗಾನ್ ಆಮಿ ಸೆಂವ್ಚೆಂ
ಕೆದೆಂ ವರ್ತೆಂ ಭಾಗ್ ಆಮ್ಚೆಂ

1. ಆಮ್ಚ್ಯಾ ಸೊಮ್ಯಾ ಆನಿ ಆಮ್ಚ್ಯಾ ದೆವಾ
ಜಿವಿತ್ ದಿಂವ್ಚ್ಯಾ ನಿಜಾ ದೆವಾಕ್
ತುಜೆಂಚ್ ರಗತ್ ಮಾಸ್ ತುಂ ಆಮ್ಕಾಂ ವಾಂಟ್ತಾಯ್
ಮೊಗಾನ್ ಆಮ್ಚೆ ಥಂಯ್ ಎಕ್ವಟ್ತಾಯ್

2. ಆಮ್ಚ್ಯಾ ರಾಯಾ, ಆಮಿ ತುಜಿ ಪ್ರಜಾ
ಧುಲಾಂಯ್ ಆಮ್ಕಾಂ ರಗ್ತಾನ್ ತುಜ್ಯಾ
ತುಜೆ ವೆದಿ ಸರ್ಶಿಂ ಆಮಿ ಯೆತಾಂವ್
ಪವಿತ್ರ್ ಪ್ರಸಾದ್ ಭಕ್ತಿನ್ ಸೆವ್ತಾಂವ್

3. ಆಮ್ಚ್ಯಾ ಜೆಜು ದಯಾಳ್ ಗೊವ್ಳ್ಯಾ ಬರ್ಯಾ
ಶೆಳಿಯಾಂಕ್ ರಾಕ್ತಾಯ್ ಪ್ರಿತಿನ್ ಖರ್ಯಾ
ತುವೆಂ ದಿಂವ್ಚೊ ಗ್ರಾಸ್ ಆಮಿ ಲಾಲೆತಾಂವ್
ತುಜೆ ಥಂಯ್ ಜಿಯೆಂವ್ಕ್ ಆಶೆತಾಂವ್

4. ಆಮ್ಚ್ಯಾ ದನ್ಯಾ, ದೇವ್‍ಬಾಪಾಚ್ಯಾ ಪುತಾ
ಸೃಶ್ಟಿ ತುಕಾ ಖಾಲ್ತಿ ಜಾತಾ
ಸರ್ಗಾದಾರಾಚಿ ತುಂ ಏಕ್‍ಚ್ ಚಾವಿ
ತುಜೆ ಥಾವ್ನ್ ಆಮ್ಚಿ ಬಚಾವಿ

5. ಆಮ್ಚ್ಯಾ ಸುರ್ಯಾ, ಕಾಳೊಕ್ ಪಯ್ಸ್ ಧಾಂವ್ಡಾಂವ್ಚ್ಯಾ
ಶಾಬಿತ್ ವಾಟ್ ಆಮ್ಕಾಂ ದಾಕೊಂವ್ಚ್ಯಾ
ತುಜ್ಯಾ ಉಜ್ವಾಡಾಂತ್ ಪಯ್ಣ್ ಆಮಿ ಕರ್ತಾಂವ್
ಬಾಪಾಕ್ ದೆಕುಂಕ್ ಫುಡೆಂ ಸರ್ತಾಂವ್