1. ಪವಿತ್ರ್ ಅತ್ಮ್ಯಾ ಯೆ ದೆಂವುನ್ ಆನಿ ಫಾಂಕಯ್ ಸರ್ಗಿಂ ಥಾವ್ನ್
ಉಜ್ವಾಡಾಚೆಂ ತುಜೆಂ ಕೀರ್ಣ್

2. ಯೆ ತುಂ ಬಾಪಾ ದುಬ್ಳ್ಯಾಂಚ್ಯಾ, ಯೆ ತುಂ ದಾತಾ ದೆಣ್ಯಾಂಚ್ಯಾ
ಯೆ ತು ದಿವ್ಯಾ ಕಾಳ್ಜಾಂಚ್ಯಾ

3. ಭುಜ್ವೊಣ್ದಾರಾ ಭೋವ್ ಬರ್ಯಾ, ಅತ್ಮ್ಯಾಂಕ್ ದುಲಬ್ ತುಂ ಸಯ್ರ್ಯಾ
ಸ್ವಾದಿಕ್ ಖರ್ಯಾ ವಿಶೆವಾ

4. ವಿಶೆವ್ ತುಂ ವಾವುರ್ತಲ್ಯಾಂಕ್, ಸಾವ್ಳಿ ಒತಾಂತ್ ಸುಕ್ತಲ್ಯಾಂಕ್
ಭುಜ್ವಣ್ ಖರಿ ರಡ್ತಲ್ಯಾಂಕ್

5. ಏ ಉಜ್ವಾಡಾ ಸರ್ವ್ ಸಂಪೂರ್ಣ್, ಭರ್ ಹೆ ಅತ್ಮೆ ಪರಿಪೂರ್ಣ್
ತುಕಾ ಪಾತ್ಯೆತಲ್ಯಾಂಚೆ

6. ನಾ ಮನ್ಶಾಥಂಯ್ ಕಾಯ್ ಇಲ್ಲೆಂ, ಇಲ್ಲೆಂಯ್ ವಾಯ್ಟಾಕ್ ಪಡ್ನಾಸ್ಲೆಂ
ನಾಸ್ಲ್ಯಾರ್ ತುಜೊ ಥಿರ್ ಆಧಾರ್

7. ಧುಂ ತುಂ ಸಕ್ಕಡ್ ಮ್ಹೆಳ್‍ಲ್ಲೆಂ, ಭಿಜಯ್ ಸಕ್ಕಡ್ ಸುಕ್‍ಲ್ಲೆಂ
ಥಾಂಬಯ್ ಸಕ್ಕಡ್ ಘಾಯೆಲ್ಲೆಂ

8. ಬಾಗಾಯ್ ಸಕ್ಕಡ್ ಘಟ್ ಜಾಲ್ಲೆಂ, ಶೆಕ್ ಸಕ್ಕಡ್ ಥಂಡ್ ಜಾಲ್ಲೆಂ
ವಾಟೆಕ್ ಪರ್ತಿ ಆಡ್ ಗೆಲ್ಲೆಂ

9. ಲಾಭಯ್ ತುಜ್ಯಾ ಭಾವಾಥ್ರ್ಯಾಂಕ್, ತುಜೆರ್ ಆಶೆನ್ ಪಾತ್ಯೆಲ್ಲ್ಯಾಂಕ್
ಪವಿತ್ರ್ ತುಜಿ ಸಾತ್ ದೆಣಿಂ

10. ಲಾಭಯ್ ಶೆಗುಣಾಂಚೆ ಪೂನ್, ಲಾಭಯ್ ಆಮ್ಕಾಂ ಬರೆಂ ಮೊರ್ನ್
ಪಾವಯ್ ಸುಖಾಕ್ ಸಾಸ್ಣಾಚ್ಯಾ