ನಾಂವಾಡ್ ಸಿಯೊನ್ ಸೊಡ್ವೊಣ್ದಾರಾಕ್, ನಾಂವಾಡ್ ಪತಿಕ್, ನಾಂವಾಡ್
ಗೊವ್ಳ್ಯಾಕ್, ಗಾಯನಾಂನಿ, ಗಿತಾಂನಿ, ಸಗ್ಳೆ ತುಜೆ ಸಕ್ತಿನ್ ಪೆಚಾಡ್
ಚಡ್ತಾವ್ ಜಾಯ್ನಾ ಕಿತ್ಲೊಯ್ ನಾಂವಾಡ್, ಆನಂದ್ ತಾಚೊ ಅಗಣಿತ್
ನಾಂವಾಡ್ ಅಧಿಕ್ ಉತ್ತಿಮ್ ದೆಣೆಂ, ಆಯ್ಚ್ಯಾ ದಿಸಾ ದಿಲ್ಲೆಂ ತಾಣೆಂ
ಜಿವೊ ಉಂಡೊ, ಜೀವ್ ದಿಂವ್ಚೊ, ಬ್ರೆಸ್ತರಾಚ್ಯಾ ಆಕೇರ್ ಜೆವ್ಣಾರ್
ಬಾರಾಯ್ ಜಣಾಂಕ್ ಬಸವ್ನ್ ಮೆಜಾರ್, ಸಂಪೂರ್ಣ್ ಮೊಗಾನ್ ವಾಂಟ್ಲ್ಲೊ
ನಾಂವಾಡ್ ತಾಕಾ ಸಂಪೂರ್ಣ್ ಮನಾನ್, ಉರ್ಭೆಸ್ತ್ ತಾಳ್ಯಾನ್, ಭಕ್ತಿನ್
ಮಾನಾನ್ ದಾಕಯ್ ಉಲ್ಲಾಸ್ ಮತಿಚೊ, ಆಬ್ಳೆ ವರ್ತೊ ದೀಸ್ ಚಲಯ್ತಾಂವ್
ಆನಿ ಭಕ್ತಿನ್ ಉಗ್ಡಾಸ್ ಕರ್ತಾಂವ್, ಮೊಗಾಚ್ಯಾ ತ್ಯಾ ಜೆವ್ಣಾಚೊ
ನವ್ಯಾ ರಾಯಾಚ್ಯಾ ಹ್ಯಾ ಜೆವ್ಣಾರ್, ಘಡ್ತಚ್ ನವಿ ಪರ್ವಣ್ ಉದ್ದಾರ್
ಪರ್ನೆಂ ಪಾಸ್ಕ್ ಅಂತರ್ಲೆಂ, ನವ್ಯಾ ಮುಕಾರ್ ಪರ್ನೆಂ ಧಾಂವ್ತಾ
ವಸ್ತುಚ್ ಪಾವ್ತಚ್ ಸಾವ್ಳಿ ಲಿಪ್ತಾ, ಸುರ್ಯೊ ಕಾಲೊಕ್ ಧಾಂವ್ಡಾಯ್ತಾ
ಅಶೆಂ ಜೆವ್ಣಾರ್ ಸೊಮ್ಯಾನ್ ಕೆಲ್ಲೆಂ, ಆಮ್ಕಾಂಯ್ ಕರುಂಕ್ ಫರ್ಮಾಣ್ ದಿಲ್ಲೆಂ
ಸದಾಂಚ್ ತಾಚ್ಯಾ ಉಗ್ಡಾಸಾಕ್, ತಾಚೆ ಹುಕ್ಮೆಕ್ ಪಾಳೊ ದಿತಾಂವ್
ಉಂಡೊ, ದಾಕ್ಷ್ ರೋಸ್ ಬದಲ್ ಕರ್ತಾಂವ್, ಬಚಾವೆಚಿ ಭೆಟೊವ್ಣಿ
ಉಂಡೊ ಜಾತಾ ಮಾಸ್ ಜೆಜುಚೆಂ, ದ್ರಾಕ್ಷ್ ರೋಸ್ ಜಾತಾ ರಗತ್ ತಾಚೆಂ
ಅಸೊ ಭಾವಾರ್ಥ್ ಕ್ರಿಸ್ತಾಂವಾಂಕ್, ವಿಚಿತ್ರ್ ಬದ್ಲಪ್ ಸಂಯ್ಭಾ ವರ್ತೆಂ
ದಿಸನಾತ್ಲೆಂ, ಸಮ್ಜನಾಸ್ಲೆಂ, ಭಾವಾರ್ಥಾನ್ ಥಿರ್ ಪಾತ್ಯೆನಾಂವ್
ಹ್ಯಾ ದೋನ್ಯಿ ವಿಂಗಡ್ ರುಪಾಂನಿ, ಗುರ್ತಾಂನಿ ಮಾತ್ರ್ ನ್ಹಯ್
ವಸ್ತುಂನಿ, ಆಸಾತ್ ಮಿಸ್ತೆರ್ ಅಗಣಿತ್, ಮಾಸ್ಚ್ ಆಹಾರ್, ರಗ್ತ್ಚ್ ಪೀವನ್
ತರಿ ಆಸಾ ಜೆಜು ಜಿವಂತ್, ವಿಂಗಡ್ ದೋನ್ಯಿ ರುಪಾಂನಿ
ತಾಕಾ ಖೆಲ್ಲೊ ತಾಕಾ ಮೊಡ್ನಾ, ಪಿಸುಡಿನಾ, ಫಾಪ್ಸುನ್ ಖಾಯ್ನಾ
ಸಗ್ಳೊಚ್ ತಾಕಾ ಗ್ರಾಸಿತಾ, ಖಾತಾತ್ ಹಜಾರ್, ಖಾತಾ ಎಕ್ಲೊಚ್
ಕಿತ್ಲೊ ಹಜಾರ್, ಎಕ್ಲೊ ತಿತ್ಲೊಚ್, ಆನಿ ಖೆಲ್ಲ್ಯಾನ್ ಸರನಾ
ಬರೆಯ್ ಖಾತಾತ್, ಖೊಟೆಯ್ ಖಾತಾತ್, ಬರೆ ಸಾಸ್ಣಿಕ್ ಜಿವಿತ್ ಜೊಡ್ತಾತ್
ಖೊಟೆ ಶಿರಾಪ್ ಸೆವಿತಾತ್, ಜೀವನ್ ಬರ್ಯಾಂಕ್, ಮರಣ್ ಖೊಟ್ಯಾಂಕ್
ಆಬ್ಳೆ ಏಕ್ಚ್ ಆಹಾರ್ ಖೆಲ್ಲ್ಯಾಂಕ್, ಕಿತ್ಲೆಂ ವರ್ತೆಂ ಚಡ್ ಉಣೆಂ
ಮೊಡ್ಲ್ಯಾರ್ ಶೆಕಿಂ ಹೊ ಸಾಕ್ರಾಮೆಂತ್, ದುಭಾವ್ನಾಕಾ ತುಜ್ಯಾ ಮನಾಂತ್
ಜಸೊ ಜೆಜು ಆಸಾ ಸಗ್ಳ್ಯಾಂತ್, ತಸೊಚ್ ಸಗ್ಳೊ ಕುಡ್ಕ್ಯಾಂತ್, ಆಬ್ಳೆ
ಉಂಡೊ ದೇವ್ದುತಾಂಚೊ, ಜಾಲಾ ಆಹಾರ್ ಪಯ್ಣಾರ್ಯಾಂಚೊ
ಖರೊಚ್ ಉಂಡೊ ತೊ ಭುಗ್ರ್ಯಾಂಚೊ, ಉಡಯ್ನಾಯೆ ತೊ ಸುಣ್ಯಾಂಕ್
ಮಾಗಾಂ ಸಾವ್ಳ್ಯೊ ತಾಚೊ ಸಬಾರ್, ಇಜಾಕ್ ದೊಂಗ್ರಾಚ್ಯಾ ಆಲ್ತಾರಾರ್
ಪಾಸ್ಕ್ ಶೆಳಿ ಘಾಲ್ಲಿ ಮೆಜಾರ್, ಪಾವ್ಲ್ ಮಾನ್ನಾಂಚೊ ರಾನಾಂತ್
ಖರ್ಯಾ ಉಂಡ್ಯಾ, ಬರ್ಯಾ ಗೊವ್ಳ್ಯಾ, ಜೆಜು, ಆಮ್ಚೆರ್ ದವರ್ ದಯಾ
ಆಮ್ಕಾಂ ಚರಯ್, ಆಮ್ಕಾಂ ಚಲಯ್, ಬರ್ಯೊ ವಸ್ತುಂ ಭೊಗುಂಕ್
ಪಾವಯ್, ಸುಖಿ ಗಾಂವಾಕ್ ಜಿವ್ಯಾಂಚ್ಯಾ
ತುಂ ಸರ್ವ್ ಜಾಣಾರ್, ಸರ್ವ್ ಪದ್ವೆದಾರ್, ಹಾಂಗಾ ಜಾಲಾಯ್
ಆಮ್ಚೊ ಪೊಸ್ಣಾರ್, ತುಜೆಂ ಜೆವಣ್ ಸೆವುಂಕ್ ಸರ್ಗಾರ್
ಕರ್ ಆಮ್ಕಾಂ ಸಂಪೂರ್ಣ್ ಎಕ್ತಾರ್, ಸಂತಾ ಭಕ್ತಾಂ ಸಾಂಗಾತಾ. ಆಮೆನ್